| e-texts navigator |
| Wylie |
99a1 མིའི་རུས་པའི་ཕུར་བུས་གནས་ལྔར་གདབ་པར་བྱའོ།། ཚིགས་ཐམས་ཅད་ལ་ཚེར་མ་རྣོན་པོས་དགང་བར་བྱའོ།། དེ་ཐོད་པ་གཉིས་ཀྱི་དབུས་སུ་བཅུག་སྟེ། དེ་གྲོག་མཁར་དང་གནས་བདུན་གྱིསས
99a2 གཤིན་རྗེའི་གཟུགས་ཁྲུ་གང་ཙམ་ཞལ་གཙིགས་པ། གསུས་པ་ཆེ་བ། ཞལ་གཅིག་པ། ཕྱག་གཉིས་པ། ཕྱག་ན་རལ་གྲི་དང་ཞགས་པ་འཛིན་པ། གཅེར་བུ་སྐྲ་གསིལ་བར་བྱས་ལ། དེའི་སྙིང་ཁར་ཐོད་པ་གཉིས
99a3 བཅུག་སྟེ། ཉི་མ་ཕྱེད་དམ་ནམ་ཕྱེད་ན་དུར་ཁྲོད་དམ་རོ་བསྲེགས་པའི་སར་སྦས་ཏེ། ཤིན་ཏུ་རིང་བར་མགོ་ལྷོར་བསྟན་ལ་ཁ་འཐུར་དུ་ཕུབ་ལ་སྦའོ།། ཁྱིམ་དུ་འོངས་པ་དང་མཉམ་པར་བཞག་པས་མ་ཧེའི་གདོང་གི
99a4 སྦྱོར་བས་བསྒྲུབ་བྱའི་མིང་དང་བཅས་པར་ཡི་གེ་བཅུ་པའི་སྔགས་བཟླས་པ་བྱས་ན་ཉི་མ་གསུམ་གྱིས་འཆིའོ།། ཕྱུང་ནས་བཀྲུས་ན་ཐར་པར་འགྱུར་རོ།། དེ་ནས་རེངས་པའི་རབ་ཏུ་སྦྱོར་བ་གསུངས་ཏེ། ཏེའུ་ལོ་པའི
99a5 པགས་པ་ལ་དུག་ལ་སོགས་པའི་རྫས་ཀྱིས་ཡི་གེ་བཅུ་པའི་སྔགས་བྲིས་ལ། པགས་པ་དེ་བསྒྲུབ་བྱའི་རྐང་རྗེས་ཀྱི་རྡུལ་དང་གཅིན་བཏང་བའི་ཤུལ་གྱི་སྲས་བཀང་ལ་དེའི་སྒྲས་བཅིང་བར་བྱའོ།། ཕྱི་ནས་བོང་བུའི
99a6 གཅིན་དང་རྣམ་པར་སྣང་མཛད་དང་ལྷན་ཅིག་ཏུ་བརྫིས་ལ་ལམ་པོར་དགང་བར་བྱའོ།། དེར་འཁོར་ལོ་བཅུག་ལ་རོ་བསྲེགས་པའི་མེ་ལ་བཞག་སྟེ། རྐང་པ་གཡོན་པས་མནན་ལ་གཤིན་རྗེའི་སྦྱོར་བས་ཡི་གེ་བཅུ་པའི
99a7 སྔགས་བཟླས་པ་བྱས་ན་ཞག་གཅིག་གིས་རེངས་པར་བྱེད་དོ།། འདི་ནི་ཕྱིས་རྗེས་སུ་གཟུང་བ་མི་འགྲུབ་པའི་རབ་ཏུ་སྦྱོར་བའོ།། སྔགས་པས་ཤིན་ཏུ་ཁྲོས་པས་རབ་ཏུ་སྦྱོར་བར་བྱའོ།། གཞན་ཡང་དབྱེ་བའི་རབ་ཏུ་སྦྱོར་བ་འདི
iiif viewer powered by OpenSeadragon
