| e-texts navigator |
| Wylie |
98b1 ལ་སྦྲེང་བུ་གསུམ་གྱི་སྟེང་དུ་བཞས་ནས་དུར་ཁྲོད་ཀྱི་མགལ་པས་མེ་རབ་ཏུ་སྦར་ཏེ། རྐང་པ་གཡོན་པས་མནན་ལ་ཡི་གེ་བཅུ་པའི་སྔགས་བཟླས་སོ།། དེ་ཡིས་སྐད་ཅིག་གིས་ཐེ་ཚོམ་མེད་པར་འཆིའོ།། གཞན་ཡང
98b2 རིམས་ཀྱིས་ཐེབས་པར་འདོད་པ་ན་འཁོར་ལོ་དེ་ཉིད་མིའི་འཕྱིས་གཉིས་ཀྱི་དབུས་སུ་ལེགས་པར་བཞག་ལ་མེ་ཟབ་ཀྱི་འོག་ཏུ་ཁྲུ་ཕྱེད་བརྐོས་ལ་བཅུག་ནས་མེ་སྦར་ན་རིམས་ནད་ཀྱིས་འཛིན་ནོ།། དེ་ལ་ལེ་ཚེ་བཅུ་དྲུག
98b3 པའི་རབ་ཏུ་སྦྱོར་བ་འདི་གསུངས་ཏེ། འོན་ཀྱང་འདིའི་ཁྱད་པར་ནི་ཡི་གེ་སུམ་ཅུ་རྩ་གཉིས་པའི་སྔགས་དང་ལྡན་པ་ཡི་གེ་བཏུ་བའི་སྔགས་བསྒྲུབ་བྱའི་མིང་དང་ལྷན་ཅིག་ཏུ་ཡི་གེ་དང་སྔགས་སྤེལ་ལོ།། སྔོན་དུ་གསུངས
98b4 པའི་རྫས་དང་ལྷན་ཅིག་ཏུ་བྱ་རོག་གིས་བཏོགས་པའི་ལྷག་མ་མི་གཙང་བ་དང་། རྣམ་པར་སྣང་མཛད་དང་ལྷན་ཅིག་ཏུ་དུར་ཁྲོད་ཀྱི་རས་ལ་བྱུགས་ཏེ། དེ་ལ་སྔོན་དུ་གསུངས་པའི་ཚོ་གས་འཁོར་ལོ་བྲིས་ཏེ་དུར་ཁྲོད་དུ་སྦས
98b5 ན་འཆི་བར་འགྱུར་རོ།། ཤིང་གཅིག་གི་དྲུང་དུ་སྦས་ན་བསྐྲད་པར་འགྱུར་རོ།། མཚན་མ་གཅིག་པར་སྦས་ན་དབྱེ་བར་འགྱུར་རོ།། ཆུའི་ནང་དུ་སྦས་ན་རེངས་པར་འགྱུར་རོ།། ཁྱིམ་དུ་བཞག་ན་ཞི་བར་འགྱུར་རོ།། ཕྱུང་ནས
98b6 ལེགས་པར་བཀྲུས་ན་གྲོལ་བར་འགྱུར་རོ།། གཞན་ཡང་རབ་ཏུ་སྦྱོར་བ་གསུངས་པ་གཤིན་རྗེའི་འཁོར་ལོ་སྔོན་གྱི་ཚོ་གས་དུར་ཁྲོད་ཀྱི་རས་ལ་བྲིས་ཏེ། དུར་ཁྲོད་དམ། ལམ་བཞི་མདོ་དང་། ཤིང་གཅིག་དང་། གྲོག་མཁར་དང་།
98b7 ཆུ་འགྲམ་དང་། མཚན་མ་གཅིག་པ་དང་། རྒྱལ་པོའི་སྒོ་དང་། རྣམ་པར་སྣང་མཛད་དང་། རྡོ་རྗེ་ཆུ་དང་། དུར་ཁྲོད་ཀྱི་སོལ་བས་བསྒྲུབ་བྱའི་གཟུགས་བརྙན་ཚད་སོར་བརྒྱད་པ་བྱས་ལ་དེའི་སྙིང་ཁར་འཁོར་ལོའི་སྔགས་བཅུག་སྟེ།
iiif viewer powered by OpenSeadragon
