| e-texts navigator |
| Wylie |
97b1 བྱུང་ཆེན་པོ་ལ་སོགས་པའི་ཤ་རྣམས་དབུལ་བར་བྱའོ།། ཤིན་ཏུ་མཉམ་པར་གཞག་པས་བཟའ་བ་དང་། སྟོན་མོ་དང་། སྦྱིན་སྲེག་དང་། གཏོར་མའི་ལས་བྱའོ།། དཀྱིལ་འཁོར་གྱི་གྲཝ་ཐམས་ཅད་དུ་ཁྲག་གི་ཆག་ཆག
97b2 བྱའོང་དཔལ་རྡོ་རྗེ་འཇིགས་བྱེད་མ་ཧེའི་གདོང་གི་སྦྱོར་བ་ལ་གནས་པས་ལྷ་བཤོས་ཐམས་ཅད་དབུལ་བར་བྱའོ།། དེ་ནས་སྔགས་པས་སྔོན་དུ་སྤྱད་པར་བྱས་ཏེ། བདག་ཞི་བར་གྱུར་པའི་ཤིན་ཏུ་མཐུན་པའི་གྲོགས
97b3 སམང་བདག་གཅིག་པུ་རྣམ་པར་སྣང་མཛད་ཀྱིས་ལུས་བྱུགས་ཏེ་གཅེར་བུར་ཕུད་ནས་སྒྲ་གསིལ། མཚན་ཕྱེད་ན་ཅང་ཏེའུ་དཀྲོལ་ལ་ཧ་ཧ་ཞེས་བྱ་ཞིང་མཉམ་པར་བཞག་སྟེ། རྡོ་རྗེ་འཇིགས་བྱེད་ཆེན་པོའི་དཀྱིལ
97b4 འཁོར་དུ་དངོས་གྲུབ་འདོད་པས་འཇུག་པར་བྱའོ།། རབ་ཏུ་ཞིབ་པའི་ཆང་ལ་སོགས་པ་གཏུང་བ་དང་བཟའ་བའི་རོ་རྣམས་དབུལ་ལོ།། ཕྱི་ནས་དངོས་གྲུབ་དང་དངོས་གྲུབ་མ་ཡིན་པ་ལ་དམིགས་ལ། དེའི་སྟེང་དུ
97b5 དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་བསམ་པར་བྱའོ།། དེའི་མདུན་དུ་གཡས་བསྐུམ་དུ་གནས་ལ་ང་རྒྱལ་དང་བཅས་པས་སེམས་རྩེ་གཅིག་ཏུ་ཤིན་ཏུ་མཉམ་པར་བཞག་པས་ཡི་གེ་བཅུ་པའི་སྔགས་བཟླ
97b6 བར་བྱའོ།། དེ་ནས་འཇིགས་པ་ཆེན་པོ་བྱུང་ན། དེ་ལ་སྔགས་པས་འཇིགས་པར་མི་བྱ་སྟེ། གལ་ཏེ་འཇིགས་པར་གྱུར་ན། དེ་ལ་བགེགས་ཆེན་པོའི་བར་ཆད་འབྱུང་ངོ་།། བར་ཆད་བྱུང་ན་དངོས་གྲུབ་མི་འགྲུབ་བོ།། དེ་བས་ན
97b7 སྔགས་པས་འཇིགས་པར་མི་བྱ་སྟེ། དེ་ལ་དཔལ་རྡོ་རྗེ་འཇིགས་བྱེད་ཆེན་པོ་དགྱེས་སོ།། དགྱེས་ནས་ཁྱོད་ཅི་འདོད་ཅེས་གསུངས་པ་དང་། དེ་ལ་རིག་འཛིན་གྱིས་སྨྲ་བར་བྱ་སྟེ། རལ་གྲི་དང་། ས་འོག་དང་། མིག་སྨན་དང
iiif viewer powered by OpenSeadragon
