| e-texts navigator |
| Wylie |
97a1 དགུ་པ་ཟླུམ་པོའོ།། སྒོ་གཅིག་པ་ནི་དབྱེ་བར་བྱ།། ལྷག་མ་ཡོངས་སུ་གཅད་པར་བྱ།། དེ་དབུས་རི་མོ་བྲི་བར་བྱ།། ཤར་དུ་མགོ་བོ།། ལྷོར་ལག་པ། ནུབ་ཏུ་རྒྱུ་མ། བྱང་དུ་རྐང་པ་གཉིས།
97a2 ཤར་གྱི་གྲཝར་ཐོད་པ། ལྷོར་ཐོད་ཚལ། ནུབ་བྱང་དུ་དུར་ཁྲོད་ཀྱི་རས། བྱང་ཤར་དུ་སྐྱེས་བུ་གསལ་ཤིང་ལ་གཙུགས་པའོ།། དེ་དག་ནི་འཁོར་ལོའི་དབུས་སུ་མཚན་མའི་ཕྱག་རྒྱ་ལྔའོ།། དེ་ནས་འཁོར་ལོའི་ཕྱི་རོལ
97a3 གྱི་ཕྱག་རྒྱ་རྣམས་ནི་ཤར་ཕྱོགས་ཀྱི་སྣམ་བུ་ལ་གྲི་གུག་དང་། མཚོན་རྩེ་གཅིག་པ་དང་། གཏུན་ཤིང་དང་། ཆུ་གྲི་དང་། རྡོ་རྗེ་རྩེ་གཅིག་པ་དང་། ལྕགས་ཀྱུ་ལ་སོགས་པ་རྣམས་བྲིའོ།། ལྷོ་ཕྱོགས་ཀྱི་སྣམ་བུ་ལ་སྟ
97a4 རེ་དང་། མདའ་དང་། ཁ་ཊྭཱཾ་ག་དང་། དབྱིག་ཏོ་དང་། འཁོར་ལོ་དང་། རྡོ་རྗེ་ཞགས་པ་ལ་སོགས་པ་བྲིའོ།། ནུབ་ཕྱོགས་ཀྱི་སྣམ་བུ་ལ་རྡོ་རྗེ་དང་། རལ་གྲི་དང་། གྲི་ཆུང་དང་། ཕུབ་དང་། གཞུ་དང་། དྲིལ་བུ་དང་། རླུང་གི
97a5 བ་དན་ལ་སོགས་པ་བྲིའོ།། བྱང་ཕྱོགས་ཀྱི་སྣམ་བུ་ལ་སྡིགས་མཛུབ་དང་། འཕན་རྩེ་གསུམ་པ་དང་། གླང་པོའི་པགས་པ་དང་། རྡོ་རྗེ་ཐོ་བ་དང་། མདུང་དང་། མེ་ཐབ་ལ་སོགས་པ་བྲིའོ།། སྒོ་བཞི་དང་གྲཝ་རྣམས་ལ་རོ
97a6 ལངས་ཆེན་པོ་བྲིའོ།། གལ་ཏེ་མཆོག་གི་དངོས་གྲུབ་འདོད་ན་མར་ཁུ་ཆེན་པོའི་མར་མེ་དབུལ་ལོ།། མི་དང་། བོང་བུ་དང་། རྔ་མོ་དང་། ཁྱི་དང་། ཝ་དང་། མ་ཧེ་དང་། གླང་པོ་ཆེ་དང་། བ་ལང་དང་། བ་མེན་དང་། ལུག་དང་།
97a7 རི་དགས་དང་། ཕག་པ་ལ་སོགས་པའི་ཤ་རྣམས་དབུལ་བར་བྱའོ།། གཞན་ཡང་བྱ་རྒོད་དང་། འུག་པ་དང་། བྱ་རོག་དང་། ཁྲ་དང་། ཆུ་སྐྱར་དང་། ཐིང་རིལ་དང་། བཞད་དང་། རྨ་བྱ་དང་། ཁྱིམ་བྱ་དང་། རི་སྐེགས་དང
iiif viewer powered by OpenSeadragon
