| e-texts navigator |
| Wylie |
96a1 པ་ལང་ཕྱག་ན་རྡོ་རྗེ་ཁྱོད་འདི་ལྟ་བུའི་གཤིན་རྗེ་གཤེད་ཀྱི་ཁྲོ་བོའི་གཟུགས་སུ་བསྒྱུར་ཏེ། བདུད་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ལྷ་རྣམས་ཀྱང་ཆོམས་ཤིག། ཆིངས
96a2 ཤིག། རྟོགས་ཤིག་ཅེས་གསུངས་སོ།། དེའི་དུས་ན་ཇི་ལྟར་བདག་གིས་བཅོམ་ལྡན་འདས་ཀྱིས་གསུངས་པ་ཐོས་ཏེ། སྐད་ཅིག་ལ་བཟུང་ཞིང་དོན་བཟུང་སྟེ་བསྡུས་ནས་རབ་ཏུ་ཡིད་ལ་བྱས་སོ།། ཞེས་གསང
96a3 པ་ཆེན་པོའི་བདག་པོ་ཆེན་པོ་རྡོ་རྗེ་རིགས་ཀྱི་གཙོ་བོ་ནཱ་ད་ཀུ་བེ་རའི་ཡབ་ཀྱིས་དེ་སྐད་ཅེས་གསུངས་སོ།། ཨོཾ་རྱན་གྱི་ཡུལ་ནས་ཡང་དག་པར་བྱུང་བ་དངོས་གྲུབ་ཐམས་ཅད་སྐྱེད་པར་བྱེད་པ་རྒྱུད་ཀྱི་རྒྱལ་པོ་འབུམ་དྲག
96a4 བདུན་ལས་ཕྱུང་བ།། གཤིན་རྗེ་གཤེད་ནག་པོའི་རྒྱུད་ལས་ལེའུ་བཅོ་བརྒྱད་པའོ།། ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་རྫོགས་སོ།།
96a5 རྒྱ་གར་གྱི་མཁན་པོ་ཆེན་པོ་མཁས་པ་དཱི་པཾ་ཀ་ར་ཤྲི་ཛྙཱ་ན་དང་། བོད་ཀྱི་ལོ་ཙ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། སླད་ཀྱི་ལོ་ཙ་བ་དགེ་སློང
96a6 དར་མ་གྲགས་ཀྱིས་བཅོས་ལ། དེ་ལས་ཀྱང་དགེ་སློང་རྡོ་རྗེ་གྲགས་ཀྱིས་བཅོས་སོ།། །། རྒྱ་གར་སྐད་དུ། ཤྲཱི་བཛྲ་མ་ཧཱ་བྷཻ་བ་ར་བ་ནཱ་མ་ཏནྟྲ། བོད་སྐད་དུ།
96a7 དཔལ་རྡོ་རྗེ་འཇིགས་བྱེད་ཀྱི་རྒྱུད་ཅེས་བྱ་བ། དཔལ་རྡོ་རྗེ་འཇིགས་བྱེད་ཆེན་པོ་ཁྲོས་པའི་རྒྱལ་པོ་ཆེན་པོ་ལ་ཕྱག་འཚལ་ལོ།། དེ་ནས་རྡོ་རྗེ་འཇིགས་བྱེད་ཀྱི། སྒྲུབ་པ་ཡང་དག་རབ་བཤད་དེ།། དེ་ཡིས་ལྷ་རྣམས
iiif viewer powered by OpenSeadragon
