| e-texts navigator |
| Wylie |
17b1 དང་ཆོམ་རྐུན་དང་། དགྲའི་འཇིགས་པ་འབྱུང་བར་མི་འགྱུར་རོ།། རྒུང་པ་དང་དབུལ་བའི་འཇིགས་པ་ཐམས་ཅད་འབྱུང་བར་མི་འགྱུར་རོ།། མི་བསྔགས་པ་དང་། སྐུར་པ་འདེབས་པ་དང
17b2 སྤོད་པ་དང་། མི་སྙན་པ་དང་། གྲགས་པ་ངན་པའི་འཇིགས་པ་འབྱུང་བར་མི་འགྱུར་རོ།། སྐྱེ་བ་བཟང་པོ་དང་། རིགས་དང་། རུས་ཕུན་སུམ་ཚོགས་པ་འབྱུང་བར་འགྱུར་རོ།། ཀུན་ནས་མཛེས་པར
17b3 གྱུར་པ་དང་། གཟུགས་དང་། ཁ་དོག་ཡང་དག་པར་ལྡན་པར་འགྱུར་རོ།། འཇིག་རྟེན་པ་རྣམས་ཀྱི་སྡུག་པ་དང་། ཡིད་དཔ་ལ་འབབ་པ་དང་། འགྲོགས་ན་མཆོག་ཏུ་བདེ་བ་དང་། མཐོང་ན་དགའ་བར
17b4 འགྱུར་རོ།། འཇིག་རྟེན་པ་རྣམས་ཀྱི་མཛེས་པ་དང་། སྐལ་པ་བཟང་པོ་དང་ལྡན་པ་དང་། ཚིག་གཟུང་བར་བྱ་བར་འགྱུར་རོ།། གང་དང་གང་དུ་སྐྱེ་བར་འགྱུར་བ་དེ་དང་དེར་སྐྱེ་བ་དྲན་པར་འགྱུར་རོ།།
17b5 ལོངས་སྤྱོད་ཆེ་བ་དང་། འཁོར་མང་བ་དང་། ལོངས་སྤྱོད་མི་ཟད་པ་དང་། འཁོར་མི་ཟད་པར་འགྱུར་རོ།། སེམས་ཅན་ཐམས་ཅད་ཀྱི་མཆོག་ཏུ་གྱུར་པའི་སྨོན་ལམ་དང་ཡེ་ཤེས་དང་ཡང་དག་པར
17b6 ལྡན་པར་འགྱུར་རོ།། རང་བཞིན་གྱིས་ཀྱང་ཕ་རོལ་ཏུ་ཕྱིན་པ་དྲུག་གི་ཡོན་ཏན་དང་ཡང་དག་པར་ལྡན་པར་འགྱུར་རོ།། ཚངས་པའི་གནས་བཞི་ལ་གནས་པར་འགྱུར་རོ།། དྲན་པ་དང་། ཤེས་བཞིན་དང་།
17b7 ཐབས་དང་། སྟོབས་དང་། སྨོན་ལམ་དང་། ཡེ་ཤེས་དང་ཡང་དག་པར་ལྡན་པར་འགྱུར་རོ།། བསྟན་བཅོས་ཐམས་ཅད་ལ་འཇིགས་པ་མེད་པ་དང་སྒྲ་མཁས་པར་ཡང་འགྱུར་རོ།། ཚིག་གསལ་བ
iiif viewer powered by OpenSeadragon
