| e-texts navigator |
| Wylie |
17a1 པར་བླངས་ཏེ་མགྲིན་པར་གནས་པ་ལན་གསུམ་དུ་ཁ་དོན་དུ་བྱེད་པ་དང་། གླེགས་བམ་དུ་ཆུད་པ་ཀློག་པར་བྱེད་པ་དང་། རབ་ཏུ་འདོན་པར་བྱེད་པ་དང་། བཅོམ་ལྡན་འདས་འཇམ་དཔལ
17a2 ཡེ་ཤེས་སེམས་དཔའི་གཟུགས་ལ་དམིགས་ཏེ། དེའི་གཟུགས་ཀྱི་རྗེས་སུ་སེམས་པར་བྱེད་པ་དང་། ཡང་དེའི་གཟུགས་ཀྱི་རྗེས་སུ་བསམ་གཏན་བྱེད་པ་དེ་ཉིད་སྤྲུལ་པའི་སྐུ་ཡིས་ཡུན་མི་རིང་བ་ཉིད
17a3 ལས་གདུལ་བྱའི་དབང་ཉེ་བར་གཟུང་ནས་མཐོང་བར་འགྱུར་རོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྣ་ཚོགས་པའི་སྤྲུལ་པའི་གཟུགས་ཀྱི་སྐུ་དང་ལྷན་ཅིག་གནས་པ་ནམ་མཁའི
17a4 མཐིལ་ན་བཞུགས་པ་རྣམས་ཀྱང་མཐོང་བར་འགྱུར་རོ།། སེམས་དཔའ་ཆེན་པོ་དེའི་སྐྱེ་བ་ཇི་ལྟར་གྱུར་ཀྱང་ངན་འགྲོ་དང་ངན་སོང་དུ་ལྷུང་བའི་འཇིགས་པ་བྱུང་བར་མི་འགྱུར་རོ།། རིགས་ངན
17a5 དུ་སྐྱེ་བར་མི་འགྱུར་རོ།། ཡུལ་མཐའ་ཁོབ་ཀྱི་སྐྱེ་བོར་སྐྱེ་བར་མི་འགྱུར་རོ།། དབང་པོ་དམན་པར་མི་འགྱུར་རོ།། དབང་པོ་མ་ཚང་བར་མི་འགྱུར་རོ།། ལོག་པར་ལྟ་བའི་རིགས་སུ་སྐྱེ་བར་མི
17a6 འགྱུར་རོ།། སངས་རྒྱས་མི་བཞུགས་པའི་སངས་རྒྱས་ཀྱི་ཞིང་རྣམས་སུ་སྐྱེ་བར་མི་འགྱུར་རོ།། སངས་རྒྱས་འབྱུང་བ་དང་། དེས་བསྟན་པའི་ཆོས་སྤོང་བ་དང་ལྐོག་ཏུ་གྱུར་པར་མི་འགྱུར་རོ།།
17a7 ལྷ་ཚེ་རིང་པོ་རྣམས་སུ་སྐྱེ་བར་མི་འགྱུར་རོ།། མུ་གེ་དང་། ནད་དང་། མཚོན་གྱི་བསྐལ་པ་རྣམས་ལ་སྐྱེ་བར་མི་འགྱུར་རོ།། སྙིགས་མ་ལྔའི་དུས་རྣམས་ལ་སྐྱེ་བར་མི་འགྱུར་རོ།། རྒྱལ་པོ
iiif viewer powered by OpenSeadragon
