| e-texts navigator |
| Wylie |
110a1 ལས་བྱུང་བའི་ཟླ་བའི་དཀྱིལ་འཁོར། དེའི་སྟེང་དུ་གཤིན་རྗེའི་གཟུགས་ལྕགས་ཀྱུ་དང་ཞགས་པ་ལག་ཏུ་ཐོགས་པ་རྣམ་པར་བསམ་སོ།། མ་ཧེ་གདོང་པའི་རྣལ་འབྱོར་ལ་གནས་པས
110a2 དེ་ལ་བཀའ་བསྒོགཤིན་རྗེ་སོང་ལ་ཡུལ་ཆེ་གེ་མོ་ནས་བུ་མོ་ཆེ་གེ་མོ་མྱུར་བར་ཁུག་ཅིག། དེ་སྐད་བསྐུལ་བས་ཡཾ་གི་རྣམ་པར་བསྐྱོད་དེ་སོང་བར་བསམ་པར་བྱའོ།། བསམ་གཏན་འདིའི་རབ་ཏུ་སྦྱོར་བ་ལ་གནས
110a3 པའི་སྔགས་པས་ཁམས་གསུམ་དུ་གཏོགས་པའི་བུད་མེད་བཀུག་ལ་རོལ་བར་བྱའོ།། ཇི་ལྟར་བསམ་གཏན་བརྟན་པར་གྱུར་ན་འདིའི་རབ་ཏུ་སྦྱོར་བས་དེ་དག་བྱའི། གཞན་གྱིས་མི་བྱའོ།། དེ་ནས་སྦྲུལ་གྱིས
110a4 ཟིན་པ་བསླང་བའི་རབ་ཏུ་བྱེད་པ་གསུངས་ཏེ། རང་གི་སྙིང་ཁར་པདྨ་དཀར་པོ་འདབ་མ་བརྒྱད་པ་རྣམ་པར་བསམ་མོ།། དེའི་སྟེང་དུ་དབྱངས་ཡིག་གསུམ་པ་འདབ་མ་བརྒྱད་པ་རྣམ་པར་བསམ་མོ།། དེ་ཡིས་ནི
110a5 འོག་གི་ཀླུའི་གཟུགས་རྣམ་པར་བསམ་པར་བྱ་སྟེ། དེའི་སྤྱི་བོར་ཡི་གེ་ཨི་ཁ་དོག་དཀར་པོ་ལས་བདུད་རྩི་འཛག་པ་བསམ་པར་བྱའོ།། ཀླུ་དེའི་མིག་རྣམས་ནས་བདུད་རྩི་འཕྲོ་ནས་བསྒྲུབ་བྱ་དེའི་ལུས་ལ་ཐིམ་པར
110a6 བསམ་པར་བྱ་སྟེ། བསམ་གཏན་འདིའི་སྦྱོར་བས་ཁམས་གསུམ་ཡོངས་སུ་གང་བའི་དུག་ཀྱང་མེད་པར་འགྱུར་རོ།། དུག་ལུར་སྟོང་ཡང་ཟ་ནུས་སོ།། དེ་ནས་ཞུ་བའི་བསམ་གཏན་གྱི་རབ་ཏུ་སྦྱོར་བ་འབྱུང་སྟེ།
110a7 བསྒྲུབ་བྱ་མདུན་དུ་བསམ་སྟེ། དེའི་རྐང་པ་གཉིས་ལ་ཡི་གེ་ཡཾ་ལས་གྱུར་པའི་རླུང་གི་དཀྱིལ་འཁོར་བསམ་པར་བྱ། དེའི་སྟེང་དུ་གསང་བའི་གནས་སུ་མེའི་དཀྱིལ་འཁོར་གྲུ་གསུམ་ཁ་དོག་དམར་པོ་རཾ་གྱིས
iiif viewer powered by OpenSeadragon
