| e-texts navigator |
| Wylie |
100b1 གཏུབས་ལ་སྲེག་གོ།། གང་གི་མིང་དང་བཅས་པར་བྱས་ན་དེ་སྐད་ཅིག་གིས་འཆིའོ།། རྡོ་རྗེ་འཇིགས་བྱེད་ཆེན་པོ་འདི་ཉིད་ཀྱི་རབ་ཏུ་སྦྱོར་བ་འདི་གསུངས་སོ།། དེ་ནས་བསླད་པར་འདོད་པས་རྒྱལ་མཚན་གྱི་ངས་ལ།
100b2 ལེ་ཆེ་བཅུ་དྲུག་པའི་འཁོར་ལོ་ལ་ཡི་གེ་བཅུ་པའི་སྔགས་སྔོན་དུ་གསུངས་པའི་རྫས་དང་དུར་ཁྲོད་ཀྱི་སོལ་བས་གང་གི་མིང་དང་བཅས་པ་བྲིས་ཏེ། ནིམ་པའི་ཤིང་ལ་རྒྱལ་མཚན་བཞག་ན་དེ་སྐྲོད་པར་འགྱུར་རོ།།
100b3 དེ་ནས་རེངས་པར་འདོད་པས་གཤིན་རྗེའི་འཁོར་ལོ་གཡམ་པ་འམ་རས་ལ་བ་བླ་དང་ཡུང་བས་གང་གི་མིང་དང་བཅས་པ་ལེགས་པར་བྲིས་ལ་བཞག་ན་དེ་རེངས་པར་འགྱུར་རོ།། གལ་ཏེ་སྔགས་པས་དབང
100b4 དུ་བྱ་བར་འདོད་ན་གྲོག་མཁར་གྱི་ས་དང་། གུར་ཀུམ་དང་། གིའུ་ཝང་དང་། བ་པྲ་དང་། ཡུང་བ་རྣམས་ལྷན་ཅིག་ཏུ་བྱས་ཏེ། བསྒྲུབ་བྱ་བོ་འམ། གལ་ཏེ་མོའི་གཟུགས་བརྙན་ཚད་སོར་བཅུ་དྲུག་པ་བྱས་ལ།
100b5 གཻའུ་ཝང་དང་སྲིན་ལག་གི་ཁྲག་གིས་གྲོ་ག་ལ་གཤིན་རྗེའི་འཁོར་ལོ་བྲིས་ཏེ། དེའི་སྙིང་ཁར་བཅུག་ནས་རང་གི་ཁྱིམ་དུ་བཞག་ལ་མེ་ཏོག་དམར་པོས་དུས་གསུམ་དུ་དབུལ་བ་དང་། ཁ་ནུབ་དུ་བལྟས་ལ་ཡི
100b6 གེ་བཅུ་པའི་སྔགས་བཟླས་པ་བྱས་ན། ཞག་བདུན་གྱིས་བརྒྱ་བྱིན་ཡང་དབང་དུ་འགྱུར་ན་ཡང་ཕྲ་མོའི་མི་ལྟ་ཅི་སྨོས། དེ་ནས་ཡང་འགུགས་པར་འདོད་ན། དེ་ལ་ཐོད་པ་ལ་འཁོར་ལོ་གིའུ་ཝང་དང་སྲིན་ལག
100b7 གི་ཁྲག་གིས་བྲིས་ཏེ། སེང་ལྡེང་གི་མེ་ལ་བསྲོ་ཞིང་གང་བྱ་བའི་མིང་དང་བཅས་པར་བཟླས་ན། དེ་སྐད་ཅིག་གིས་རླུང་གི་ཤུགས་བཞིན་དུ་འགུགས་པར་འགྱུར་རོ།། དེ་ནས་སྔགས་པས་མྱོས་པར་བྱ་བར་འདོད
iiif viewer powered by OpenSeadragon
