| e-texts navigator |
| Wylie |
366b1 ཟེར་བ་ཞེས་བརྗོད་པས་སྲིན་པོ་མ་དྲན་པ་རྙེད་དེ་མདུན་དུ་གྱུར་ཏོ།། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས། གཞལ་ལས་ཁང་སྤྱན་གྱིས་གྲུབ་པའི་ལེའུ་སྡེ་བའི་པའོ།།
366b2 དེ་ནས་ཐུགས་རྗེ་ཁྲོས་པའི་ཐུམཐིང་ནག་འོད་འབར་བ་ལས་དེ་བཞིན་གཤེགས་པ་ཀུན་གསུང་གཅིག་གིས་ཨ་བྷ་རོ་ལ་ཎ་ཧཱུཾ་ཞེས་གསུངས་པ་ལས་ཁྲོ་གཉེར་བསྡུས་ཤིང་ཞལ་བཟད་པས
366b3 དུདྲུག་གསུམ་རྩད་ནས་གཅོད་པའི་མཆེ་བ་ཟུར་གསུམ་གཙིགས་པ། དེ་ལྟར་འབར་བའི་ཆ་བྱང་དུ་སྣང་བ་ཞིག་བྱུང་སྟེ། འཇིག་རྟེན་གྱི་ཁམས་ཆེན་པོ་གསུམ་གཡོས། རབ་ཏུ་གཡོས། ཀུན་ཏུ་གཡོས།
366b4 ཀུན་ཏུ་རབ་ཏུ་གཡོས། དཔལ་རྡོ་རྗེ་གཏུམ་པོ་ཐམས་ཅད་གསང་བའི་རྒྱུད་ལས། འབར་བའི་ཁྲོ་བོ་ཁྲོས་པའི་ཚུལ་དུ་བསྐྱེད་པའི་ལེའུ་སྟེ་ལྔ་པའོ།། དེའི་ཚེ་དེའི་དུས་ན་དུས
366b5 གསུམ་གྱི་ཐེག་པའི་བདག་པོ་ཐམས་ཅད་འདུས་ཏེ། ཡེ་ཤེས་ཀྱི་མཁའ་གསང་བའི་བུམ་པས་འབར་བའི་ཁྲོ་བོ་དེའི་ལུས་ཀུན་བཀྲུས་ཏེ་ཡེ་ཤེས་ཀྱི་བུམ་པའི་ཆུ་རྒྱུན་གྱིས་དབང་བསྐུར་རོ།། དག་པར
366b6 འཁྲུ་བར་བྱེད་པའི་ཉེ་ཤིང་པ་དང་། སྒྲིབ་པ་སྦྱོང་ཞིང་ཀུན་ཏུ་སྐྱོབ་པར་བྱེད་པའི་ཕུར་མོང་གི་ཐལ་བ་དང་། ཆོས་ཉིད་ཀྱི་ཅི་དང་། ཡེ་ཤེས་ཀྱི་བཅུད་མར་ལ་སོགས་པས་འགྲོ་བ་རྣམས་ཀྱི་ཚུལ་དང་ལྡན
366b7 པའི་ཕྱིར་དབང་བསྐུར་རོ།། ཡེ་ཤེས་ཀྱི་ཁྲོ་བོ་དེ་ལུས་ལ་སིམ་ཞིང་རྒྱས་ཏེ་བདེ་བ་སྐྱེས་པར་གྱུར་ཏེ། དེ་ནས་རིགས་ཐམས་ཅད་ཀྱི་བདག་པོ་སངས་རྒྱས་ལྔ་ཡུམ་དང་བཅས་པས་བདེ་བ་ལ་སྙོམས་པར་ཞུགས
iiif viewer powered by OpenSeadragon
