| e-texts navigator |
| Wylie |
366a1 ནག་དང་། ཡཾ་སྔོ་སྱ་དང་། རཾ་ཁཾ་དམར་ནག་དང་། སུ་སེར་ནག་དང་། རྱ་དམར་ནག་དང་། དཀར་སྐྱ་དང་། སྣ་ཚོགས་པའི་ཁྲུ་འཕྲོས་པར་གྱུར་ཏོ།། དེ་དག་གི་འབྲེའདུ
366a2 ལས་གྲུ་གསུམ་མཐིང་ནག་ནམ་མཁའ་དང་། སྔོ་སྐྱ་རླུང་ཟླ་གམ་དང་། དམར་ན་ག་རཀྟའི་རྒྱ་མཚོ་དང་། སེར་ནག་ཞིང་ཆེན་ས་གཞི་དང་། དཀར་སྐྱ་ཀེང་རུས་རི་རབ་དང་། སྣ་ཚོགས་རིན་པོ་ཆེའི
366a3 གཞལ་ཡས་ཁང་མཐིང་ནག་རྡོ་རྗེ་རྒྱ་གྲམ་ལས་ལྷུན་གྱིས་གྲུབ་པའི་དཀྱིལ་འཁོར་དུ་གྱུར་ཏོ།། ཆོས་ཉིད་མི་འགྱུར་ལྷུན་གྱིས་གྲུབ་པའི་ལྟེ་བའི་མཐིང་ནག་ཟླུམ་པོ་འཕྲིན་ལས་རྣམ་པ་བཞིས་ལྷུན་གྱིས
366a4 གྲུབ་པའི་རྒྱ་གྲམ་གྱི་རྩེ་མོ་ཕྱོགས་བཅུར་འཕྲོ་བ། བར་མཚམས་རིན་པོ་ཆེ་སྣ་བཞི་ལས་ལྷུན་གྱིས་གྲུབ་པ། གྲུ་ཆང་རིན་པོ་ཆེ་ལྗང་ཁུར་སྡང་བ། སྒོ་བཞི་རིན་པོ་ཆེ་སྣ་བཞི་ཚད་མེད་པ་བན
366a5 འཕྲིན་ལས་སུ་སྣང་བ། སྣ་ཚོགས་ཀྱི་རྒྱན་རང་བཞིན་དུ་སྣང་བ། རང་བྱུང་བར་གྱུར་ཏོ།། དེ་ནས་ཧཱུཾ་མཐིང་ནག་ཁྲོ་བོའི་ས་བོན་དེ་ལས་སྣ་ཚོགས་རྡོ་རྗེ་ཕྲ་མོའི་འོད་ཚཆ་ལྔར་འཕྲོས། རྡོ་རྗེ་ཕྲ་མོའི་འོད
366a6 ཟེར་ལ་རྡོ་རྗེ་ལྕགས་ཀྱུ་ཕྲ་མེ་བསམ་གྱི་མི་ཁྱབ་པས་འཇིག་རྟེན་གྱི་དྲེགས་པ་ཅན་ཀུན་དང་། སྲོག་ལ་རྔམ་པའི་སྲིན་པོ་པོ་མོ་སྣ་ཚོགས་པ་བཀུག་སྟེ། གཞལ་ཡས་ཁང་གི་ཕྱི་རོལ་ཏུ་ཤིང་རྩ་བ་ནས
366a7 བསྒྱེལ་བ་བཞིན་དུ་གྱུར་ཏེ་རི་མོ་བཞིན་གཡོ་བ་མེད་པར་གྱུར་ཏོ།། མཐུའི་བྱིན་གྱི་རླབས་ཀྱིས་འཁོར་ལོའི་ལྕེ་དབུས་སུ་རྡོ་བ་བསྒྱུར་བ་བཞིན་དུ་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱིས་ཀྱང
iiif viewer powered by OpenSeadragon
