| e-texts navigator |
| Wylie |
363b1 འདུལ་བའི་དུས་ལ་བབ་པར་གཟིགས་ནས། དེ་བཞིན་གཤེགས་པ་ཐམས་ཅད་ཐུགས་གཅིག་ཏུ་གྱུར་ཏེ། མི་གནས་པའི་ཡེ་ཤེས་ཆེན་པོ་ལས་རྡོ་རྗེའི་རིགས་དང་། དུདྷཱའི་རིགས་དང་།
363b2 རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་སུ་གྱུར་ཏེ་སོ་སོའི་ཡུམ་དང་ཆས་ནས་ཞུགས་ཏེ། ཐུགས་འདུས་པའི་བྱིན་གྱི་རླབས་ལས་ཐམས་ཅད་ཀྱི་རིགས་ཀྱི་སངས
363b3 རྒྱས་སྐུ་བཻ་ཌཱུཪྻའི་རང་བཞིན་ལྷར་སྔོ་བ། སྔོན་པོར་སྣང་བ། སྔོ་བར་གྱུར་པ། རིན་པོ་ཆེ་ཨིནྡྲ་ནཱི་ལ་ལྗང་ཁུ་ལྟ་བུའི་ཁ་དོག་ཏུ་སྣང་བ། ལྕང་ལོ་ཅན་གྱི་ཆ་བྱད་ཕྱག་ན་རྡོ་རྗེ་བསྣམས་ནས
363b4 ཐུགས་ཀར་བརྟན་པ་བྱུང་ངོ་།། བྱུང་བར་གྱུར་ཏོ།། དེའི་མཐུ་དང་སྟོབས་ཀྱིས་འཇིག་རྟེན་ན་གནས་པའི་དྲེགས་པ་ཅན་བཏུལ་ཏེ་དམ་ལ་བཏགས་ནས་བྱང་ཆུབ་མཆོག་ཏུ་སེམས་བསྐྱེད
363b5 དོ་དཔལ་རྡོ་རྗེ་གཏུམ་པ་ཐམས་ཅད་གསང་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། ཡང་དེའི་ཚེ་ན་ཉོན་མོངས་པ་ལ་གནས་པའི་སེམས་ཅན་ཞི་བས
363b6 མི་འདུལ་བར་གྱུར་པ་དག་གནས་པ་ལས། རིགས་ལྔའི་བཅོམ་ལྡན་འདས་རྣམས་ཀྱིས་གསང་བའི་བདག་པོ་ལ་བཀའ་བསྒོ་བ་སྟེ། ཀྱེ་གསང་སྔགས་དང་། རིགས་སྔགས་དང་།
363b7 གཟུངས་སྔགས་ཀུན་གྱི་བདག་པོ་ཞི་བས་མི་འདུལ་བའི་སེམས་ཅན་ཐམས་ཅད་ཁྲོས་པའི་ཚུལ་གྱིས་གདུལ་དུ་གསོལ་ཞེས་བཀའ་སྩལ་ཏོ།། ཨོཾ་བཛྲ་པཱ་ཎི་ཀྲོ་དྷ་ཀྲོ་དྷ་ཧཱུཾ་ཧཱུཾ། ཞེས
iiif viewer powered by OpenSeadragon
