| e-texts navigator |
| Wylie |
361b1 བུམ་པ་ལ་དངོས་གྲུབ་བླངས་ན་ཅི་འདོད་པ་འགྲུབ་པོ།། དེ་ལྟར་ཡང་ཡང་བྱས་པས་ཚེའི་དངོས་གྲུབ་ཐོབ་པར་འགྱུར་རོ།། གལ་ཏེ་མཆོག་གྲུབ་པར་འདོད་པས་ས་འམ་རིན་པོ་ཆེ་ལ་ཕྱག་ན་རྡོ་རྗེ
361b2 ཞལ་གཅིག་ཕྱག་གཉིས་པ་གདན་པདྨ་དང་ཉི་མ་ལ་གནས་པར་བྱས་ནས། དེ་རིན་པོ་ཆེའི་སྣོད་དུ་བཞག་ལ། མཎྜལ་དཀར་པོ་ཁྲུ་གྲང་བ་བྱས་པའི་སྟེང་དུ་ཁྲིའུའི་སྟེང་དུ་བཞག་ལ་མེ་ཏོག་དང
361b3 གོས་དཀར་པོས་མཆོད་ཅིང་ཙན་དན་དཀར་པོའི་ཆུས་ཅི་ནུས་པར་མཆོད་པ་བྱེད་ཅིང་། ཡང་ཚེས་བརྒྱད་དང་། བཅུ་བཞི་དང་། བཅོ་ལྔ་དང་། གནམ་སྟོང་ལ་དེའི་དུས་སུ་སྦྱང་བ་བྱས་ནས
361b4 ཕྱིས་ནི་བརྒྱད་སྟོང་གི་གྲངས་སུ་གསང་སྔགས་འདོན་པར་བྱེད་ཅིང་རང་ཉིད་ཀྱི་སྤྱི་བོར་ཡི་གེ་ཨ་དཀར་པོ་འོད་དང་ལྡན་པས་བདུད་རྩིའི་ཆུ་འབེབས་པར་བསམས་པས། ཁམས་གསུམ་པའི
361b5 ནད་ཐམས་ཅད་ཟད་པར་བསམ་ཞིང་སླར་རང་ཉིད་ཀྱི་རིམ་གྱིས་ཞུ་བར་བྱེད་པ་ནི་རྒྱུད་ལས་གྲུབ་པའི་བསམ་གཏན་ཏེ། འདི་གོམས་པས་གང་དང་གང་འདོད་པ་ཐམས་ཅད་འགྲུབ་ཅིང་ཁམས
361b6 གསུམ་གྱི་དབང་ཕྱུག་ཏུ་འགྱུར་རོ།། གསང་བའི་བདག་པོ་ང་ལ་ཉོན།། འཇིག་རྟེན་ཀུན་ལས་རྣམ་རྒྱལ་བའི།། སྐུ་ནི་སངས་རྒྱས་ཀུན་བདག་ཉིད།། གང་གིས་བགོས་པར་འགྱུར་བ་ལས། ཅི་འདོད
361b7 རྙེད་པར་བྱེད་པ་མཆོག། གལ་ཏེ་རྟོག་མེད་དེ་བྲལ་ན།། ཡེ་ཤེས་ཉིད་ནི་བླ་ན་མེད།། རྒྱལ་བའི་སྟོབས་ཀྱིས་རྟོགས་པར་བྱེད།། ཉོན་མོངས་ཀུན་ལས་རྒྱལ་བྱེད་ཅིང་།། ནང་རྣམས་ཐམས་ཅད་ཟད་བྱེད
iiif viewer powered by OpenSeadragon
