| e-texts navigator |
| Wylie |
359a1 མཁའ་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སྲིད་པ་གསུམ་ཡང་རྣམ་པར།
359a2 གཡོས་སོ།། དེ་ནས་རང་ཉིད་སྐུ་དང་། གསུང་དང་། ཐུགས་རྣམ་པར་དག་པའི་རྡོ་རྗེ་ལས་སྔགས་འདི་ཕྱུང་ངོ་།། ཨོཾ་ན་མོ། གསང་སྔགས་རྒྱལ་པོ་སྨྲས་ཙམ་གྱིས།། ས་སྟེང་ལྷ་རྣམས
359a3 བརྒྱལ་བར་གྱུར།། ཀླུ་རྣམས་ཀུན་ཏུ་སྐྲག་ནས་ནི།། གསང་བདག་ཉིད་ལ་ཕྱག་འཚལ་ལོ།། སྙིང་རྗེ་ལྡན་ཞིང་མོས་པ་བརྟན།། གུས་ཤིང་བྱང་ཆུབ་སེམས་ལྡན་པའི།། ཕྱོགས་སུ་འགྲོ་བས
359a4 ཡིད་གནས་པའི།། ལྷ་དང་བླ་མ་མཉམ་མཆོད་ཅིང་།། བརྩོན་འགྲུས་ཤེས་རབ་ཆེ་བ་དེས།། རང་ཉིད་དང་ནི་གཞན་དག་ཏུ།། བདེ་ཞིང་ཉམས་དགའི་རི་ཕུག་གམ།། ཚལ་ལམ་མཚོ་འམ་ལྗོངས་རྣམས
359a5 སུས་ཡི་དཀྱིལ་འཁོར་རྣམ་དག་པར།། བྱས་ནས་དྲི་ཆུས་ལེགས་བྱུགས་ནས།། བདེ་བའི་སྟན་ལ་འདུག་བྱས་ཏེ།། གསང་བའི་བདག་པོ་བསྒྲུབ་པར་བྱ།། གཞན་ནི་རི་ཁྲོད་རྩུབ་པ་འམ།
359a6 དུར་ཁྲོད་ཡ་མའི་ཁང་པ་ཡང་།། འཁྲུག་ཅིང་གཡེང་དང་བཅས་པ་དང་།། རྒྱལ་པོས་བཟང་ཞིང་གཏུམ་མོ་རྒྱུ།། འཇིགས་པའི་ཕྱོགས་ནས་གང་དག་རྣམས།། རྒྱལ་བ་སྒྲུབ་པའི་གནས་ཡིན་ནོ།།
359a7 དུས་འདིར་བྱུང་བའི་བློ་ཞན་རྣམས།། འཇིག་རྟེན་འདི་ཡི་གཡེང་བ་དང་།། ཚོ་གས་ཐམས་ཅད་སྐྱེད་པར་བྱེད།། ཆགས་པའི་སྟོབས་ཀྱི་ཆོས་ཉིད་ནི།། ཡང་དག་མི་རྟོག་དོ་ནི་སྐྱོན།། སྤྲུལ་པའི་གླང་།
iiif viewer powered by OpenSeadragon
