| e-texts navigator |
| Wylie |
358b1 དེ་ནས་འདུས་པའི་འཁོར་རྣམས་ཀྱིས།། འཁོར་གྱི་གཙོ་ལ་མངོན་པར་བསྟོད།། ལྕང་ལོ་ཅན་གྱི་ཕོ་བྲང་ནས།། གསང་བའི་བདག་པོ་གོས་སྔོན་ཅན།། ཡོན་ཏན་ཐམས
358b2 ཅད་སྐུ་ལ་རྫོགས།། དངོས་མེད་དག་པ་ཁྱོད་ཕྱག་འཚལ།། འཁོར་གྱི་ཀླུ་ཚོགས་འདུལ་བའི་ཕྱིར།། ཀླུ་བརྒྱད་སྐུ་ལ་རབ་བརྒྱན་ནས།། ཀླུ་ཚོགས་ཞལ་དུ་གསོལ་མཛད་པ།། ཀླུ་འདུལ་བྱམས་པ
358b3 ཁྱོད་ཕྱག་འཚལ།། སྣ་ཚོགས་དག་པའི་སྐུ་མངའ་ཞིང་།། རིགས་དྲུག་སྡེ་བརྒྱད་འདུལ་བར་མཛད།། སྐྱོན་གྱིས་མ་གོས་རང་སངས་རྒྱས།། ཐོགས་མེད་ཀུན་འདུལ་ཕྱག་འཚལ་བསྟོད།། ཇི་ལྟར
358b4 བསམ་པའི་དངོས་པོ་ཀུན།། ཁྱོད་ལས་འབྱུང་བས་མི་ཟད་གཏེར།། སྣ་ཚོགས་ཡིད་བཞིན་འཕྲུལ་པོ་ཆེ།། ཡིད་བཞིན་ནོར་བུ་ཁྱོད་ཕྱག་འཚལ།། ནད་དང་རིམས་ཀྱི་གཤེད་པོ་མཛད།། ནོར་དང་།
358b5 ཟས་ཀྱི་བདག་པོ་མཛད།། འཇིགས་པ་ཀུན་ལས་སྐྱོབ་པར་མཛད།། བླ་མེད་སྐྱོ་བ་མཛད་ཁྱོད་ཕྱག་འཚལ།། ཞེས་བསྟོད་ནས་རྗེས་སུ་ཡི་རང་ངོ་།། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན
358b6 ལ་སོགས་པའང་ཡིད་དགའ་བའི་མཆོད་པས་ཁྱབ་པར་གྱུར་ཏོ།། མི་ལ་སོགས་པ་འཇིགས་པའི་ཉེན་དང་ལྡན་པ་ཐམས་ཅད་བདེ་བ་ལ་བཀོད་དོ།། ལེའུ་བཅོ་ལྔ་པའོ།།
358b7 འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བེཙོན་གྱི་རྒྱུད་རྫོགས་སོ།། ། དེ་ནས་གསང་བའི་བདག་པོས་འཁོར་དེ་དག་ལ་རྣམ་པར་གཟིགས་ནས་རང་ཉིད
iiif viewer powered by OpenSeadragon
