| e-texts navigator |
| Wylie |
352a1 ཀླུ་ཆེན་མ་རུངས་གདུག་པ་ཅན།། ནོར་རྒྱས་དང་ནི་དུང་སྐྱོང་དང་།། དགའ་བོ་དང་ནི་འཇོག་པོ་དང་།། པདྨ་པདྨ་ཆེན་པོའོ།། སྟོབས་ཀྱི་རྒྱུ་དང་རིགས་ལྡན་རྣམས།། རྒྱ་མཚོ་དག།
352a2 ལ་གནས་པ་ཡི།། ཀླུ་དང་གཉེན་དང་ས་བདག་གསུམ།། སྤྲུལ་པ་ལས་ལ་གྲུབ་པོ་ཡི།། གླེན་པ་ང་རྒྱལ་རྫུ་འཕྲུལ་ཅན།། སྤྲུལ་པ་འབུམ་སྡེ་འཁོར་བཅས་པའི།། མ་ལུས་པ་ཡི་སྔགས་འདི་ནི།། གནད
352a3 ལ་བོར་བའི་རྩ་སྔགས་སོ།། ཧ་ར་ཧ་ར་ནཱ་ག་ཕུ། པྲ་ཧ་ར་པྲ་ཧ་ར་ནཱ་ག་པུ། ཙྪིནྡནྡནྡ་ནཱ་ག་པུ། བྷིནྡ་བྷིནྡ་ནཱ་ག་པཱུ། བི་ཤཱིརྱནྡྲ་ནཱ་ག་ཤ་རཱི་རཱ་ཎི་པུ། བི་སྥོ་ཊ་ཡ་ནཱ་ག་ན་ཡ་ནཱ་ནི་པུ། ནཱ་ག་བི་དཱ་ར་ཎཱ་ཡ་ཕུ།
352a4 ནཱ་ག་ཀྲོ་དྷ་སཱ་ད་ནཱ་ཡ་ཕུ། བལ་པོ་སེའུ་དག་དང་ནི།། སྨྱུག་ཤད་དག་གི་ལྕུག་མས་བྱ་བ།། དེ་ནི་ཀླུ་བཟློག་པའི་ཆོ་གའོ།། ནཱ་ག་དུ་ན་དུས་ནཱ་ག་ཤོན་དུས། ཧི་ལི་ཧི་ལི་ནཱ་ག་དུས་དུས། ཀླུ་ཆེན་ནུ་གའི་སྲོག་སྙིང་སྟེ།
352a5 གནད་པ་བོར་བའི་སྲོག་སྙིང་ངོ་།། ལྷོ་འཕྱེ་དག་གི་ཁ་ནས་ཁར།། བཅོམ་ལྡན་སྐུ་ནི་གསལ་བས་བཟླས།། དེ་ནས་རྡོ་རྗེ་འཛིན་ལ་བཀའ་སྩལ་པ། ལས་རྣམས་བཞི་ཡིས་ལས་རྣམས་འགྲུབ།། ས་གཞི་དག་ནི་སོ་སོར
352a6 བརྟག། ཞི་བ་དཀར་ཟླུམ་པདྨ་ཅན།། རྒྱས་སེར་གྲུ་བཞིའི་འཁོར་ལོ་ཡི།། དབང་དམར་ཟླ་གམ་ལྕགས་ཀྱུ་སྟེ།། དྲག་པོ་མཐིང་ནག་རྩེ་གསུམ་པའོ།། ཞི་བ་རྒྱས་པ་སོར་བཞི་དང་།། ཁྲུ་དང་ཁྲུ་དོ་མཉམ་པའོ།།
352a7 དབང་དང་དྲག་པོ་སོར་གསུམ་རྩེ།། ཁྲུ་དོ་ཁྲུ་གང་ཁྲུ་གསུམ་ཁྲུ།། འོ་མ་ཅན་དང་དྲི་ཞིམ་ཞིང་།། འབྲས་བུ་དང་བཅས་ཞི་རྒྱས་ཤིང་།། ཚེར་མ་དུར་ཁྲོད་ཤིང་དག་ནི།། ཁ་དོག་དམར་ནག་དབང་དྲག་ལ།།
iiif viewer powered by OpenSeadragon
