| e-texts navigator |
| Wylie |
348a1 དབང་པོ་ཉི་མའི་སྟེང་།། གནོད་སྦྱིན་ཟླ་དང་སྟོབས་ཀྱི་སྡེ།། ཀླུ་འདུལ་རི་སྟེང་རྒྱ་མཚོའི་ནང་།། སྦྲུལ་ནག་འཁྱིལ་བ་སྟོབས་ལྡན་ཏེ།། མཁའ་དང་རི་བོས་མནན་པའི་སྟེང་།
348a2 གསེར་མདོག་སྟོབས་ལྡན་གཉིས་ཀྱི་གདན།། བརྒྱད་ཁྲིར་ཞབས་བཞག་རི་རབ་མནན།། མེ་དཔུང་སྐུ་ལ་འཁྲུགས་པའི་འོད།། ཁམས་གསུམ་ཁྱབ་མཛད་ཁྲོ་བོ་འཕྲོ།། སངས་རྒྱས་འདུས་པའི
348a3 སྐུ་ལ་ཕྱག་འཚལ་ལོ།། དེ་ནས་གསང་བའི་དཀྱིལ་འཁོར་ནི།། རྡོ་རྗེ་མེ་དཔུང་འོད་དང་ལྡན།། དེ་ཉིད་མཁའ་དང་འབྱུང་བ་ལས།། དུར་ཁྲོད་བརྒྱད་དང་ལྡན་པའི་གནས།། བདག་པོའི་ས་བྱིན་ལས
348a4 བྱུང་བ།། ཟླ་ཉི་ཐོད་པ་རྡོ་རྗེ་ལས།། དྲུག་པོའི་རྟགས་ལྡན་གཙོ་བོ་ཆེ།། མཛེས་ལྡན་སྐུ་ལ་ཡང་དག་འཁྲིལ།། དྲག་ཆན་འདུལ་མཛད་དྲི་ཟའི་གཙོ།། མདོག་དཀར་རྩེ་གསུམ་འབར་བ་འཛིན།།
348a5 འོད་འཕྲོ་དཀར་མོ་སྐུ་ལ་འཁྲིལ།། འཇོམས་མཛད་སྤུ་གྲི་འབར་བ་འཛིན།། མགོན་པོ་གཟི་བརྗིད་གཤིན་རྗེའི་བདག། མདོག་སེར་དབྱུག་ཏོས་གཤིན་རྗེ་འདུལ།། མདངས་ལྡན་སེར་མོ་སྐུ་ལ
348a6 འཁྲིལ།། འཇའ་འདྲ་བ་ཡི་ཟངས་གྲི་བསྣམས།། འབྲུག་སྒྲ་སྒྲོག་པའི་ཀླུ་ཡི་གཙོ།། མདོག་དམར་ཀླུ་འདུལ་སྦྲུལ་གྱི་ཞགས།། སྒྲ་ཡི་ལྷ་མོ་སྐུ་ལ་འཁྲིལ།། མདོག་དམར་གཅོད་པའི་སྟེའུ་བསྣམས།།
348a7 འཕྲིན་ལས་ཁྲོ་བོ་གནོད་སྦྱིན་བདག། ལྗང་ནག་བེ་ཅོན་གནོད་སྦྱིན་འདུལ།། རླུང་འབྱིན་ལྗང་ཁུ་སྐུ་ལ་འཁྲིལ།། འབར་བའི་འཁོར་ལོ་ཕྱག་ན་བསྣམས།། འགུགས་པ་ལྕགས་ཀྱུ་ལྕགས་ཀྱུ་སྟེ།
iiif viewer powered by OpenSeadragon
