| e-texts navigator |
| Wylie |
345b1 དཔག་ཏུ་མེད་པའི་ཚོགས་ཀྱིས་ཡོངས་སུ་བསྐོར་བ། མཆེ་བ་གཙིགས་པ་དང་འཚམ་པ། མིག་མེ་མངག་གི་ཕུང་པོ་འདྲ་བ། དབུགས་མེ་ལྕེ་ལྟར་འབྲར་བ། འཇིགས་པའི་ང་རོ་ཅན། པདྨ་དང་ཆུ་ལྔས་ལག་པ
345b2 པ་དང་དཔུང་པ་བརྒྱན་པ། ནོར་རྒྱས་དང་དུང་སྐྱོང་གིས་དབུ་ལ་བརྒྱན་པ། སྦྲུལ་རིན་པོ་ཆེ་འབར་བའི་ཅོད་པན་ཐོགས་པ། ཀླུ་དགའ་བོ་དང་ཉེ་དགའ་བོ་འབར་བས་སྙན་ཆ་བྱས་པ། རྐང་པས་སྤྲུལ
345b3 གདུག་པ་འབར་བ་མནན་ཅིང་ཟ་བ། ཀླུའི་རྒྱལ་པོ་འདབ་བཟང་སྐ་རགས་སུ་བཅིངས་པ། སྦྲུལ་ནག་པོ་སེ་རལ་ཁར་ཐོགས་པ། བཞིན་རྒྱས་པ། སྨིན་མ་ཁྲོ་གཉེར་དུ་བསྡུས་པ། ཡ་སོས་མ་མཆུ
345b4 མནན་པ། ལྕེ་གློག་ལྷར་འགྱུར་བ། གཤིནི་རྗེའི་ཆ་བྱད་ཅན། གསུས་པོ་ཆེ་སྦྲུལ་ཟ་བ། རྒྱ་མཚོའི་ཟབས་སུ་དཔག་ཚད་བརྒྱད་ཁྲི་ཡོད་པས་རྐང་པའི་པུས་མོར་ཕྱིན་པ། དབང་པོ་དང་ཉི་མའི་སྟེང་ན
345b5 བཞུགས་པ། ལག་པ་བརྡབས་པའི་སྒྲས་འཇིགས་པར་བྱེད་པ། ཨ་ལ་ལ་ཞེས་བསྒྲགས་པས་སྐྲག་པར་བྱེད་པ། ཀླུ་ཐམས་ཅད་རླག་པར་བྱེད་པ། གད་རྒྱངས་ཆེན་པོ་རྒོད་པས་ཀུན་ཏུ་འཁྲུག་པར
345b6 བྱེད་པ། གཤིན་རྗེའི་གཟུགས་ཅན་ཁམས་གསུམ་འཇིགས་པར་བྱེད་པ། ཀླུ་རྣམས་འདུལ་བར་བྱེད་པ་དེ་ལ་ཕྱག་འཚལ་ལོ།། ཞེས་བྱང་ཆུབ་སེམས་དཔའ་ཕྱག་ན་རྡོ་རྗེས་བསྟོད་ནས་གསུང་དུ་གསོལ
345b7 ཞེས་སྨྲས་སོ།། དེ་ནས་ནམ་མཁའ་དེ་ཉིད་ལ་གཞལ་ཡས་ཁང་དང་། འཁོར་ལོ་ཆེན་པོའི་ཏིང་ངེ་འཛིན་དང་ལྡན་པའི་དྲག་པོ་ཆེན་པོས་འཁོར་བསྡུས་ནས། ཕྱག་ན་རྡོ་རྗེ་དྲག་པོ་ཆེ།། རྡོ་རྗེ་ཁྲོ་བ་དྲག
iiif viewer powered by OpenSeadragon
