| e-texts navigator |
| Wylie |
344a1 ཕྱག་ན་རྡོ་རྗེའི་ཚུལ་འདིར་བལྟ་བར་བྱའོ།། དེ་ནས་བྱང་ཆུབ་སེམས་དཔའ་དེ་རྣམས་ལ་མཚན་རྗོབ་ཅིང་དགའ་ཞིང་རབ་ཏུ་མགུ་བ་ཐོབ་ནས་དེ་ལྟ་བུའི་དབྱངས་འདི་གསུངས་སོ།། །
344a2 མའོ་ཡེ་ཤེས་ཡེ་ཤེས་ཆེ།། རྡོ་རྗེ་ཆེན་པོ་རབ་ཏུ་མཐོང་།། རྨད་དུ་བྱུང་བའི་འཇིག་རྟེན་གྱི།། ཡེ་ཤེས་མིག་ནི་རྣམ་སྦྱངས་པའོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི
344a3 བདག་པོས། དེ་བཞིན་གཤེགས་པ་ཐམས་ཅད་དང་གཉིས་སུ་མེད་པ་མཉམ་པ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་མ་ཐག་ཏུ་བཅོམ་ལྡན་འདས་ཀྱིས
344a4 གངྒཱའི་ཀླུང་གི་བྱེ་མ་དང་མཉམ་པའི་འོད་ཟེར་བྱེ་བ་ཁྲག་ཁྲིག་བརྒྱ་སྟོང་ཕྱུང་ནས། ཤར་དང་ལྷོ་ལ་སོགས་པའི་ཕྱོགས་མངོན་པར་བརྗོད་དུ་མེད་པའི་ཡང་མངོན་པར་བརྗོད་དུ་མེད་པའི་གངྒཱའི་ཀླུང་གི་བྱེ་མ
344a5 སྙེད་ཀྱི་སངས་རྒྱས་ཀྱི་ཞིང་རྡུལ་ཕྲ་རབ་དང་མཉམ་པའི་སྐུ་གསུམ་གྱི་ཡེ་ཤེས་ཀྱིས་གང་བ་མཛད་དོ།། དེ་ནས་དེ་བཞིན་གཤེགས་པ་དེ་རྣམས་བྱོན་ནས་བྱང་ཆུབ་ཀྱི་སེམས་འདི་གསུངས་སོ།། བྱང་ཆུབ་རང
344a6 བཞིན་ཡང་དག་ཐོབ།། བྱང་ཆུབ་སེམས་དཔའ་སྙིང་པོ་བྱིན།། ནམ་མཁའི་ཁམས་ལ་ལོངས་སྤྱོད་པའི།། རྡོ་རྗེ་བྱང་ཆུབ་རབ་ཏུ་གནས།། མཚན་ཉིད་མེད་པའི་ཆོས་རྣམས་ལ།། སྤྲོས་པ་དག་ནི་ཡོད་མ་ཡིན།།
344a7 རྡོ་རྗེའི་རང་བཞིན་ཡེ་ཤེས་ཀྱི།། ནམ་མཁའ་ལྟ་བུར་དྲི་མ་མེད།། ཅེས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་ཏིང་ངེ་འཛིན་ལས་བཞེངས་ནས། རྡོ་རྗེ་ཆོས་ལ་བོས་པར་གྱུར་ཏོ།། སེམས་དཔའ་ཆེན་པོ
iiif viewer powered by OpenSeadragon
