| e-texts navigator |
| Wylie |
342b1 ཅན་ལ་བདུད་རྩིའི་གཟུགས།། ཉེ་བར་སྒྲུབ་པ་འདུས་པ་ལ།། འདི་ནི་དངོས་གྲུབ་ཚུལ་མཆོག་གོ།། བདག་གི་སྒྲུབ་པའི་ལས་ཅན་ལ།། བདག་པོའི་གཟུགས་དང་ཡང་དག་ལྡན།། བསྟེན་པའི་དུས་སུ་རབ
342b2 སྒྲུབ་པ།། གཙུག་ཏོར་གཟུགས་དང་ཡང་དག་ལྡན།། མེ་སྡུག་འཐིབས་པས་འཁྲུགས་པ་ཡི།། རང་ལྷའི་གཟུགས་དང་ཡང་དག་ལྡན།། རྡོ་རྗེ་ཕྲ་རབ་དབྱེ་བ་ཡིས།། དུས་གསུམ་སངས་རྒྱས་བཞུགས་པའོ།།
342b3 གྲགས་པར་ལྡན་པའི་དངོས་གྲུབ་ཀུན།། འདི་ཉིད་ཀྱིས་ནི་བྱང་ཆུབ་ཐོབ།། དེ་ཡི་མཆོག་ཏུ་བསྒྲུབ་པར་བྱ།། དངོས་གྲུབ་ཆེན་པོའི་ཡོན་ཏན་འབྱུང་།། བཅོམ་ལྡན་འདས་ཀུན་ཏུ་བཟང་པོ་རྡོ་རྗེ་འཆང་ཆེན
342b4 པོས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། སྔགས་ཐམས་ཅད་ཀུན་ལས་བཏུས་པ་ཞེས་བྱ་བའི་ཏིང་ངེ་འཛིན་གྱི་ལེའུ་སྟེ་ཉི་ཤུ་རྩ
342b5 གཅིག་པ་རྫོགས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ནས། ཕྱག་ན་རྡོ་རྗེ་བྱང་ཆུབ་སེམས་དཔའ་དེ་བཞིན་གཤེགས
342b6 པ་ཐམས་ཅད་དགྱེས་པའི་རྡོ་རྗེའི་བཀོད་པས་ཡང་དག་པར་མཆོད་ནས། གསུང་གི་རྡོ་རྗེ་ཆོས་ཀྱིས་གསུང་གི་ལམ་ངེས་པར་བསྐྱེད་པའི་རྡོ་རྗེ་ཚུལ་འདི་སྟོན་པར་མཛད་དོ།། གསང་བ་དག་པ་དམིགས།
342b7 པམེད།། ཡེ་ཤེས་ཡོན་ཏན་ཀུན་གྱི་གཞི།། ཀུན་ནས་ཡེ་ཤེས་བདག་མེད་པ།། གསང་བའི་ཡེ་ཤེས་ཕྱག་འཚལ་བསྟོད།། གསང་བའི་དེ་ཉིད་དོན་དང་ལྡན།། མཆོག་གི་སྤྱོད་པ་རྒྱ་མཚོ་ཆེ།། ཀུན་ནས
iiif viewer powered by OpenSeadragon
