| e-texts navigator |
| Wylie |
298a1 ཡེ་ཤེས་དཀྱིལ་འཁོར་ཡང་དག་སྦྱོར།། དེའི་སྟེང་དུ་རྣམ་བསྐོམ་དུ།། ཁྲོ་བོའི་རྣམ་པ་ཡང་དག་བསྐྱེད།། འོད་ཟེར་ཡང་དག་སྦྱོར་བསྒོམ།། དེར་ནི་འོད་ཟེར་འདུས་རྣམས་སུ།།
298a2 རྡོ་རྗེ་སེམས་དཔའ་རྣམ་བསྒོམ་བྱ།། ཆོ་ག་ཤེས་པས་དེར་རང་གཟུགས།། དབུས་སུ་ཡང་དག་གཞག་བསྒོམ་བྱ།། བཅོམ་ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ།། ཨོཾ་སརྦ་ཏ་ཐཱ་ཏྲཿ།
298a3 ཛྙཱ་ན་སྭ་བྷཱ་བ་ཨཱཏྨ་ཀོ&ཧཾ། གསང་སྔགས་རྒྱལ་པོ་འདི་ཡིས་ནི།། རང་གི་རྣམ་རྟོག་ཡོངས་འདོར་བྱ།། རང་གཟུགས་ཧཱུཾ་ཡིག་ཅེས་བརྗོད་པ།། བྱས་ནས་ཀུན་ཏུ་རྣམ་བསྒོམ་བྱ།། ཆོ་ག་ཤེས་པས་དེ་རྣམ
298a4 སུའང་།། ཧ་ཡིག་མཐར་ཐུག་རྣམ་བསམ་བྱ།། རང་གཟུགས་ལ་སོགས་མཚུངས་པའི་འོད།། ལྷ་དེ་སྐད་ཅིག་དེ་ལ་འགྱུར།། གསལ་བའི་དཀྱིལ་འཁོར་ཡང་དག་སྦྱོར།། སྙིང་ཁར་དེ་ལ་རྣམ་བསམ
298a5 བྱ། ཆོག་ཤེས་པས་གསང་སྔགས་ཡིག། ཆོ་ག་མཐོང་བས་བསྒོམ་པར་བྱ།། བཅོམ་ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ།། གནས་ལྔར་ཡང་དག་སྦྱར་བྱ་བ།། རྩེ་མོ་ལྔ་རུ་རྣམ
298a6 བསྒོམ་བྱ།། སྔགས་ཀྱི་ཡི་གེ་ཐམས་ཅད་དུ།། རྡོ་རྗེ་སེམས་དཔའ་རྣམ་བསྒོམ་བྱ།། སངས་རྒྱས་གཟུགས་ནི་རྣམ་བསྒོམས་པས།། ཆོ་ག་ཤེས་པས་སྤྲོ་བར་བྱ།། བཅོམ་ལྡན་འདས་དེ་བཞིན་གཤེགས
298a7 པ་ཐམས་ཅད་ཀྱི་སྲས་ཀྱི་གཙོ་བོས་དེ་སྐད་ཅེས་གསུངས་སོ།། རང་གཟུགས་སེམས་དཔའི་ཚུལ་གྱིས་ནི།། སེམས་དཔའི་མཚན་མར་བསྒོམ་པར་བྱ།། སངས་རྒྱས་ཞིང་རྣམས་ཀུན་ཏུ་ནི།། ཆོ་ག
iiif viewer powered by OpenSeadragon
