| e-texts navigator |
| Wylie |
297b1 དེ་སྐད་ཅེས་གསུངས་སོ།། ཐམས་ཅད་དེ་ཉིད་བྱ་བ་ནི།། ཉི་མའི་དཀྱིལ་འཁོར་དབུས་སུ་ནི།། གཟུགས་ནི་རྣམ་སྣང་མཛད་བསམས་ནས།། སྙིང་ཁར་སྔགས་ནི་རྣམ་བསྒོམ་བྱ།། དེ་ཉིད་སྔགས་སུ
297b2 རྗེས་སུ་དྲན།། རིག་པའི་ཚུལ་གྱི་ཆོ་ག་ལས།། སློབ་དཔོན་ཡིད་ནི་དགའ་བ་རུ།། ཆོ་ག་ཤེས་པས་དབྱུང་བར་བྱ།། སྙིང་ཁ་རྣམས་དང་ཐམས་ཅད་དུ།། ཟླ་བའི་དཀྱིལ་འཁོར་སྒོམ་པའོ།། རང
297b3 གི་གཟུགས་ནི་ཡང་དག་བསྐྱེད།། དེ་ལ་རལ་གྲི་ལ་སོགས་སྒོམ།། ཆོ་ག་ཤེས་པས་ཡང་དག་བསྐྱེད།། འབར་བ་ལྔ་ནི་རྣམ་པསྒོམ་བྱ།། གཟུགས་དང་ཁ་དོག་རྣམ་པར་ཤེས།། འཇིག་རྟེན་ཁམས
297b4 སུ་འདི་སྤྲོ་བྱ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྤྱན་གྱིས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ
297b5 ལས་ཡེ་ཤེས་རིགས་ཀྱི་ཏིང་ངེ་འཛིན་གྱི་ལེའུ་སྟེ་གཉིས་པའོ།། ། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཟླ་བའི་དཀྱིལ་འཁོར་ལ
297b6 གནས་ཏེ། རྣམ་པར་སྣང་མཛད་ཀྱི་གཟུགས་སུ་བྱིན་གྱིས་བརླབས་ནས། དེ་རྣམས་ཀྱང་དཀྱིལ་འཁོར་ཆེན་པོ་འདུས་པ་རྣམས་སུ་རང་གི་གཟུགས་སུ་གཞག་གོ།། བསྡུས་པའི་རིགས་ཀྱི་ཏིང་འཛིན
297b7 གྱིས། ལེའུ་བཀའ་རྣམས་སྩལ་བར་མཛད།། འོ་མ་དང་ཞོར་བསམས་ནས་སུ།། འཕགས་པའི་དམ་ཚིག་བཞི་པོ་དང་།། དབུས་སུའང་སྔགས་པས་ཨུཏྤལ།། བསྒོམ་བྱ་གཞན་དུ་མི་བསམ་མོ།།
iiif viewer powered by OpenSeadragon
