| e-texts navigator |
| Wylie |
295b1 རང་གི་ཕྱག་རྒྱ་སྙིང་ལ་རུ།། བསམས་ནས་ཉི་མའི་དཀྱིལ་འཁོར་དབུས།། སངས་རྒྱས་རྣམ་པར་ཆོ་ག་ཤེས།། འོད་ཀྱི་དཀྱིལ་འཁོར་བསྒོམ་པར་བྱ།། དེ་དབུས་ཡི་གེ་བྱིན་ནས་ནི།། འཇིག་རྟེན་ཁམས་སུ་འདི།
295b2 སྤྲོ་བྱ།། གདུལ་བ་ལ་སོགས་ཅན་བྱས་ནས།། སླར་ཡང་དེ་ཉིད་ལ་སྦྱར་བྱ།། ཁྲུ་གང་ཙམ་ལས་འདས་པར་ནི།། ཟླ་བའི་དཀྱིལ་འཁོར་བསྒོམ་པར་བྱ།། རྡོ་རྗེ་རལ་གྲི་ཡང་དག་བསྐྱེད།། འཇིག
295b3 རྟེན་ཁམས་ནི་ཡོངས་བགྲོད་བྱ།། པདྨ་དཀར་པོའི་འོད་འབར་དང་།། བྱང་ཆུབ་སེམས་ཀྱིས་རྣམ་པར་བརྒྱན།། དབུས་སུ་རང་གི་ལྷ་ཡི་གཟུགས།། གཞོགས་སུ་བཙུན་མོ་དགོད་པར་བྱ། ཆོ་ག
295b4 ཤེས་པས་དེ་ལྟར་གཟུང་།། རང་གི་རྡོ་རྗེ་དེ་ལ་གཞུག། འཇིག་རྟེན་ཁམས་ནི་ཐམས་ཅད་དུ།། སངས་རྒྱས་ཉིད་ཀྱིས་མཆོད་པར་བྱ།། ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ།།
295b5 ཇི་སྲིད་ཡང་དག་ཐོབ་སྦྱོར་སྐྱེས།། སྔགས་པས་སླར་ནི་བསྡུ་བར་བྱ།། མཐོ་གང་ཙམ་ལས་འདས་པར་ནི།། ཉི་མའི་དཀྱིལ་འཁོར་སྒོམ་པར་ནི།། རང་གཟུགས་ཤིན་ཏུ་བརྟན་བྱས་ནས།། ལྷ་ལ
295b6 སོགས་པ་རྣམ་པར་སྒོམ།། སྙིང་ཁར་སྔགས་ཀྱི་ཡིག་བྱིན་ནས།། སངས་རྒྱས་ཀུན་ནི་མཆོད་པར་བྱ།། མཐོ་བདུན་ཙམ་ལས་འདས་པར་ནི།། དཀྱིལ་འཁོར་བཞི་ནི་སྒོམ་པར་བྱེད།། ལྷཡི་གཟུགས
295b7 ཀྱི་དབུས་གནས་པར།། སྙིང་ཁར་དེ་ལ་བསྒོམ་པར་བྱ།། ཞེས་བཅོམ་ལྡན་འདས་རྡོ་རྗེ་དམ་ཚིག་གིས་ནི་གསུངས་སོ།། རང་གཟུགས་སྤྱན་ཞེས་བྱ་བར་ནི།། བྱས་ནས་སངས་རྒྱས་རྣམ་པར་སྒོམ།
iiif viewer powered by OpenSeadragon
