| e-texts navigator |
| Wylie |
295a1 འོད་། ལྷ་རུ་སྐད་ཅིག་དེ་འགྱུར་རོ།། ཡི་གེ་རྣམས་ཀྱི་ཚད་ཀྱིས་ནི།། ཝ་ཡིག་གཟུགས་ནི་རྣམ་བསྒོམ་བྱ།། སྔགས་པས་དབུས་སུ་ཡི་གེ་ཉིད།། བྱིན་ནས་ལས་ནི་ཀུན་ཏུ་བརྩམ།
295a2 སྔགས་པས་དཔྲལ་བའི་སྟེང་ནས་ནི།། ཇི་སྲིད་ལྟེ་བ་ཞེས་པར་དྲན།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོ་ལས། རྣམ་པར་དགོད་པའི་ལེའུ་དང་པོ་རྫོགས་སོ།།
295a3 ཤིང་རྟའི་འཁོར་ལོའི་ཚད་དུ་ནི།། པདྨ་ཆེན་པོ་རྣམ་བསྒོམ་བྱ།། ཉི་མའི་དཀྱིལ་འཁོར་དབུས་གནས་པར།། པདྨའི་ཆུ་བ་དེ་རྣམས་སྒོམ།། ལས་ཀྱི་རྡོ་རྗེ་ཡང་དག་བསྐྱེད།། རང་གཟུགས་དེ་ལ
295a4 བསྒོམ་པར་བྱ།། ལས་ཀྱི་རྡོ་རྗེ་རབ་བསྒོམས་པས།། རྡོ་རྗེ་སེམས་དཔའ་མཉམ་པར་འགྱུར།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། འོ་མ་དང་ཞོ་བྱས་ནས་ནི།། དབུས་སུ་པདྨ་རྣམ་པར
295a5 སྒོམ་རང་གཟུགས་སངས་རྒྱས་ལྷར་བྱས་ནས།། མཁས་པས་རང་གཟུགས་རྣམ་བསྒོམ་བྱ།། ནམ་མཁའི་ཁམས་ནི་ཀུན་བཀང་སྟེ།། སླར་ཡང་དེ་ཉིད་སྦྱར་བྱ་སྟེ།། འོ་མ་དང་ཞོ་མཉམ་བྱས་ནས།། སྣ
295a6 ཚོགས་ཁ་དོག་མཉམ་པའི་འོད།། ཟླ་བའི་དཀྱིལ་འཁོར་ཚུལ་གྱིས་ནི།། ཉི་མའི་དཀྱིལ་འཁོར་སྒོམ་པ་ནི།། རང་གཟུགས་སངས་རྒྱས་མཚུངས་པ་ནི།། ཆོ་ག་ཤེས་པས་དབྱུང་བར་བྱ།། རང་གི་གཟུགས
295a7 དང་ཐམས་ཅད་དུ།། ལྷ་ལ་སོགས་པ་རྣམ་སྒོམ་བྱེད།། ཁྲུ་གང་ཙམ་ལས་འདས་པར་ནི།། ཉི་མའི་དཀྱིལ་འཁོར་སྒོམ་པ་ནི།། བགེགས་རྣམས་འཇོམས་པ་ལྟར་བྱས་ནས།། འཇིག་རྟེན་ཁམས་སུ་འདི་སྔོ་བྱ།
iiif viewer powered by OpenSeadragon
