| e-texts navigator |
| Wylie |
294b1 ཟླ་བའི་དཀྱིལ་འཁོར་སྒོམ་པ་ནི།། སངས་རྒྱས་བསྐྱེད་པའི་ཆོ་ག་ལས།། རང་གི་གཟུགས་སུ་དེ་ལ་བྱའོ།། ཉི་མ་ལྔ་ནི་དགོད་བྱ་བ།། རྡོ་རྗེ་ཐུགས་སུ་ཆོ་ག་ལས།། ཉི་མ་ལྔ་ནི་དགོད་བྱ་བ།། སྔགས་པས
294b2 ཟླ་བའི་དཀྱིལ་འཁོར་ཅན།། དཔྲལ་བ་རུ་ནི་རྣམ་པར་སྒོམ།། འོད་ཟེར་འབར་བ་མཉམ་པའི་འོད།། སངས་རྒྱས་གཟུགས་སུ་རྣམ་པར་སྒྲོམ།། འཇིག་རྟེན་ཁམས་རྣམས་རིམ་པར་འདས།། སླར་ཡང
294b3 དེ་ལ་རབ་གཞུག་བྱ།། ཁྲུ་ཡི་ཚད་ལས་འདས་པ་ཡི།། ཟླ་བའི་དཀྱིལ་འཁོར་སྒོམ་པ་ནི།། རྡོ་རྗེ་སེམས་དཔའ་ཡང་དག་བསྐྱེད།། རང་གི་གཟུགས་ཉིད་བསྒོམ་པར་བྱ།། བཅོམ་ལྡན་འདས་ཀུན་ཏུ
294b4 བཟང་པོས་དེ་སྐད་ཅེས་གསུངས་སོ།། ཡེ་ཤེས་ཀྱི་རིགས་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ཏོ།། ཉི་མའི་དཀྱིལ་འཁོར་དབུས་གནས་པར།། རང་གི་གཟུགས་ནི་བསྒོམ་བྱ་དགེ། ཟུར་དུ
294b5 རྣམ་སྣང་གཞག་བྱ་སྟེ།། རྡོ་རྗེ་སེམས་དཔའ་རྣམ་བསྒོམ་བྱ།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ཆོ་ག་ཤེས་པས་གཟུགས་བཅུ་དྲུག། ཁ་དོག་བཞིར་ནི་རྣམ་བསམ་བྱ།། སྙིང
294b6 ཁ་རྣམས་དང་ཐམས་ཅད་དུ།། ལྷ་རྣམས་དེ་ལ་བསྒོམ་པར་བྱ།། ཞེས་བཅོམ་ལྡན་འདས་རྡོ་རྗེ་འཆང་གིས་གསུངས་སོ།། རང་གི་གཟུགས་ལ་བགེགས་འཇོམས་པར།། སེམས་ལ་བརྟན་པར་བསྒོམ་པར།
294b7 བྱཧཱུཾ་ཡིག་དབུགས་ནས་ཕྱུང་ནས་ནི།། འོད་ཟེར་རྣམ་པར་རབ་ཏུ་གཞུག། ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ།། རང་གཟུགས་ལ་སོགས་མཚུངས་པའི
iiif viewer powered by OpenSeadragon
