| e-texts navigator |
| Wylie |
294a1 གཟུགས་སུ་བྱིན་གྱིས་བརླབས་ནས། རང་གི་གཟུགས་ཀྱི་རྣམ་པའི་འོད་ཟེར་རྣམས་ཀྱིས་ཕྱུང་སྟེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་སྙིང་པོ་ཡེ་ཤེས་རིགས་ཀྱི
294a2 ཏིང་ངེ་འཛིན་གྱི་ལེའུ་གསུམ་གསུངས་སོ།། དེ་ཉིད་ཐམས་ཅད་བྱེད་བཞིན་པའི།། བསམ་གཏན་ཀུན་སྦྱོར་མཚན་ཉིད་ཀྱིས།། ཆོ་ག་ཤེས་པས་རབ་ཏུ་བརྩམ།། འདི་ནི་དེ་ཉིད་ཚུལ་དག་པའོ།། ཉི་མའི
294a3 དཀྱིལ་འཁོར་མཆོག་གྱུར་པས།། ཁྲུག་ནི་སྟོང་ཕྲག་བསམ་པར་བྱ།། ཟླ་བའི་དཀྱིལ་འཁོར་དབུས་གནས་པར།། ཝ་ཡིག་དེ་ལ་བསྒོམ་པར་བྱ།། ཀུན་ནས་ཡོངས་སུ་ཟླུམ་པོར་ནི།། མཐེའུ་ཆུང་མ་ཙམ
294a4 བསམ་པར་བྱ།། འབར་བ་དེ་ལ་ཆོ་ག་ཤེས།། སྣ་ཚོགས་ཁ་དོག་རྣམ་པར་སྒོམ།། དེ་ནི་འབར་བ་ཡང་དག་སྐྱེས།། སངས་རྒྱས་གཟུགས་ནི་རྣམས་བསྒོམ་བྱ།། ཕྱོགས་རྣམས་ཀུན་ཏུ་ཨོཾ་ཡིག་ནི།། ཁ
294a5 དོག་སྣ་ཚོགས་རྣམ་བསམ་བྱ།། རྣམ་སྣང་ལ་སོགས་རྣམས་བསྒོམས་པས།། ཆོ་ག་ཤེས་པས་བསྐྱེད་པར་བྱ།། ཉི་མའི་དཀྱིལ་འཁོར་དབུས་གནས་པར།། ཟླ་བའི་དཀྱིལ་འཁོར་སྒོམ་པའོ།། བདག
294a6 ཉིད་དེ་ལ་བསམ་པ་ནི།། དགའ་བ་སྐྱེད་པའི་ཆོ་ག་ལས།། སྙིང་གི་དབུས་སོན་ཕྲ་མོ་ནི།། དྲི་མེད་ཟླ་བའི་དཀྱིལ་འཁོར་ལ།། སྔགས་ཡིག་ཕྲ་མོའི་གཟུགས་རྣམས་ཀྱིས།། དེ་དེ་སེམས་ལ་བསམ་པར་བྱ།།
294a7 ཨོཾ་ཡིགེ་འོད་ཟེར་ཡང་དག་སྦྱོར།། འབར་བའི་འཕྲེང་བ་མཉམ་པའི་འོད།། སངས་རྒྱས་གཟུགས་སོགས་མཚན་ཉིད་ཀྱིས།། ཆོ་ག་ཤེས་པས་དབྱུང་བར་བྱ།། སངས་རྒྱས་གཟུགས་རྣམས་ཐམས་ཅད་དུ།
iiif viewer powered by OpenSeadragon
