| e-texts navigator |
| Wylie |
293b1 སངས་རྒྱས་གཟུགས་ནི་རྣམ་བསྒོམས་ནས།། ཤིན་ཏུ་བརྟན་པར་བརྟན་པའི་སེམས།། བྱང་ཆུབ་སེམས་ནི་ཡང་དག་བསྐྱེད།། རྒྱུན་དུ་བདག་ཉིད་རྣམ་བསྒོམ་བྱ།། འདི་ནི་རྡོ་རྗེའི་ཚུལ་ཞི་བ།། རྣོན་པོ
293b2 བཞི་དང་མཉམ་པའི་འོད།། རྡོ་རྗེ་སེམས་དཔའ་རྣམ་བསྒོམས་པས།། ཆོ་ག་ཤེས་པས་དགང་བར་བྱ།། ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ།། དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན
293b3 བོ་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ལས་ཕྱུང་ངོ་།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ནམ་མཁའི་ཁམས་ཐམས་ཅད་བཀང་སྟེ། བྱང་ཆུབ་སེམས་དཔའ་ཐམས།
293b4 ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདུད་པ་དང་ལྡན་པར་ཀུན་ཏུ་གནས་པར་གྱུར་ཏོ།། དེ་ནས་དེ་བཞིན་གཤེགས་པ་ཐམས་ཅད་སླར
293b5 ཡང་འདུས་པར་གྱུར་ནས། ཀུན་ཏུ་བཟང་པོ་བྱང་ཆུབ་སེམས་དཔའ་ཆེན་པོ་ལ། དེ་བཞིན་གཤེགས་པ་ཐམས་ཅད་མཆོད་པའི་སྤྲིན་ཆེན་པོ་རྣམས་ཀྱིས་ཡང་དག་པར་མཆོད་དེ་ཕྱག་འཚལ་ནས། བྱང་ཆུབ
293b6 ཀྱི་སེམས་རྡོ་རྗེ་ལ་རབ་ཏུ་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་ཀུན་ཏུ་གང་སྟེ། འོད་ཟེར་དེ་རྣམས་དེ་བཞིན་གཤེགས་པ་ཐམས་ཅད་ཀྱི་འབྱུང་གནས་ཡང་དག་པར་བསྐུལ་བར
293b7 གྱུར་ཏོ།། དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་དེ་བཞིན་གཤེགས་པ་ཐམས་ཅད་བརྟན་པར་མཛད་ནས། ཡེ་ཤེས་ཀྱི་རིགས་འདི་རྒྱས་པར་བྱེད་པའི་རྒྱུད་རང་གི་གཟུགས་རྣམ་པར་སྣང་མཛད་ཀྱི
iiif viewer powered by OpenSeadragon
