| e-texts navigator |
| Wylie |
291b1 གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱི་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ཞེས་བྱ་བའི་རྟོག་པའི་རྒྱལ་པོ་ཆེན་པོ་སྟོན་ཏོ།། རྡོརྡོ་སྤྱོད་མངོན་པར་བརྩོན་པ།
291b2 ཞེས་བྱ་བའི་དེ་བཞིན་གཤེགས་པ་ཐམས་ཅད་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀྱི་ཕྱོགས་བཅུ་རྣམས་སུ་དེ་བཞིན་ནོ།། དེ་བཞིན་དུ་ཡོན་ཏན་ཁྱད་པར་དུ་འཕགས་པའི་རྫུ་འཕྲུལ་དང་།
291b3 དེ་བཞིན་དུ་ཡོན་ཏན་དང་ལྡན་པའི་འཁོར་གྱི་དཀྱིལ་འཁོར་དང་ཐབས་ཅིག་ཏུ་ཕྱོགས་བཅུར་བཞུགས་སོ།། འདི་ལྟ་སྟེ། ཡང་སྟོང་གསུམ་གྱི་སྟོང་ཆེན་པོ་ཞེས་བྱ་བའི་འཇིག་རྟེན་གྱི་ཁམས
291b4 མཁའ་སྣང་གི་འོད་ཟེར་གྱིས་གཡོགས་པར་གྱུར་ཏོ།། ཉི་མའི་དཀྱིལ་འཁོར་ཐམས་ཅད་ཀྱི་འོད་ཟེར་གྱིས་ལྷན་ཅིག་པ་དང་འཐུན་པ་ཙམ་དུའང་མི་བཟོད་པའི་འོད་ཟེར་དུ་བྱས་པ་དེ་ལྟ་ཁོ་ནར་དེ
291b5 བཞིན་གཤེགས་པ་ཐམས་ཅད་ཀྱི་འོད་རྡོ་རྗེ་སེམས་དཔའི་འོད་ཀྱིས་མོག་མོག་པོར་གྱུར་ནས་ཀུན་ཏུ་གནས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཕྱག་ན་རྡོ་རྗེ་ལ་བྱང་ཆུབ
291b6 སེམས་དཔའ་དང་དེ་བཞིན་གཤེགས་པ་ཐམས་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། ཀུན་ཏུ་བཟང་པོ་ཞེས་བྱ་བ་བསྐྱེད་དེ་ཅང་མི་གསུང་བའི་རྣམ་པར་གནས་པར་གྱུར་ཏོ།།
291b7 དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་བྱང་ཆུབ་སེམས་དཔའ་ཐམས་ཅད་ཀྱི་རང་གི་ཐུགས་ལ་བཞག་ནས་ཡེ་ཤེས་ཀྱི་རིགས་དེ་བསྐྱེད་པོ་གསང་ཆེན་དང་བཅས་པ། དེ་བཞིན་གཤེགས་པ་ཐམས
iiif viewer powered by OpenSeadragon
