| e-texts navigator |
| Wylie |
289b1 བར་མས་ཁུ་བས་བསྐྱེད།། བསྲུར་བས་རང་གི་ལྷར་བསྐྱེད་ནས།། བྱིན་གྱིས་བརླང་པར་བྱ་བ་ནི།། རྒྱུད་རྣམས་ཀྱི་ནི་ཐུན་མོང་ངོ་།། གསང་དང་གསང་ཆེན་ཤིན་ཏུ་གསང་།། རྣལ་འབྱོར་རྣལ་འབྱོར་ཆེན་པོ་དང་།།
289b2 རྗེས་སུ་རྣལ་འབྱོར་ཞེས་བྱ་དང་།། སྟོང་པ་དང་ནི་ཤིན་ཏུ་སྟོང་།། ཆེན་པོ་སྟོང་པ་ཞེས་བྱ་དང་།། དགའ་དང་དགའ་བ་བར་མ་དང་།། དགའ་བྲལ་གྱི་ནི་དགའ་བ་རྣམས།། རྒྱུད་རྣམས་ཀུན་གྱི་སྤྱི་བོའོ།། ཕྱིར
289b3 བཟློག་གཉིས་ཀྱི་ཆོ་ག་དང་།། གསང་དང་ཤེས་རབ་ཡེ་ཤེས་དང་།། ཁ་སྦྱོར་འབྱེད་པའི་ཆོ་ག་དང་།། གཏོར་མ་རྡོ་རྗེའི་བཟླས་པ་དང་།། དྲག་ཤུལ་སྒྲུབ་པའི་ཆོ་ག་དང་།། རབ་ཏུ་གནས་དང་དཀྱིལ་འཁོར
289b4 སྒྲུབ་། གསང་བའི་དེ་ཉིད་བཅུ་ཡིན་ནོ།། དཀྱིལ་འཁོར་ཏིང་འཛིན་ཕྱག་རྒྱ་དང་།། སྟང་སྟབས་འདུག་སྟངས་བཟླས་བརྗོད་དང་།། སྦྱིན་སྲེག་མཆོད་པ་ལས་སྦྱར་དང་།། སླར་སྡུད་པ་ཡི་རྣམ་པ་ནི།། ཕྱི
289b5 ཡི་དེ་ཉིད་བཅུ་ཡིན་ནོ།། ཡང་དག་དེ་ཉིད་དངོས་པོ་མི་ཤེས་པར།། གསང་སྔགས་སྨྲ་བ་པ་ཡིན་ཞེས་བརྗོད་པ།། དེ་དག་མངོན་པའི་ང་རྒྱལ་གསང་སྔགས་ཆོ་ག་འཆད།། དེ་ནི་དམ་ཉམས་འདི་དང་པོ་ལ་བརླག།
289b6 ཉམས་པས་བདུད་ཀྱིས་བཟུང་ནས་ཤི་ནས་དམྱལ་བར་འགྲོ།། སེམས་ཅན་རྣམས་ལ་རབ་བརྟེན་ཏེ།། བྱང་ཆུབ་དམ་པ་ཐོབ་འགྱུར་བ།། སེམས་ཅན་སླུ་བར་མི་བྱ་སྟེ།། བདེ་གཤེགས་ལས་ལ་སེམས་ཅན
289b7 སྦྱར་དུ་གང་ཞིག་སྦྱོར་འདི་མི་བརྩོན་པས།། རྐང་ལག་མིག་སོགས་སྦྱིན་པ་དང་།། དཀའ་ཐུབ་ཅི་འདྲ་སྤྱད་བྱས་ཀྱང་།། བདུད་རྩི་རོ་ཐོབ་མི་ནུས་སོ།། རྣལ་འབྱོར་གཅིག་ཅིག་ཤེས་བྱས་ནས།། དབེན་པར་སོང་སྟེ
iiif viewer powered by OpenSeadragon
