| e-texts navigator |
| Wylie |
289a1 པར་གྱུར་ཏོ།། དེ་ནས་མཁའ་འགྲོའི་ཚོགས་དེ་དག་ཐམས་ཅད་རབ་ཏུ་དགའ་ནས་ཅ་ཅོའི་སྒྲ་ཡང་དག་པར་བྱིན་ཅིང་དབྱངས་ཆེན་པོ་བརྗོད་པར་གྱུར་ཏོ།། ཀྱེ་མའོ་རྡོ་རྗེ་སེམས
289a2 དཔའ་ཡི།། རྡོ་རྗེ་ཤིན་ཏུ་དགྱེས་ཆེན་པོ།། ཀྱེ་མའོ་སྣ་ཚོགས་ཐབས་ནི་བདེ་བྱེད་ཆེ།། སྣ་ཚོགས་ཡེ་ཤེས་བདེ་བ་ཆེ།། ཀྱེ་མའོ་ཀུན་ཏུ་བཟང་པོ་ཡི།། དགེ་བའི་ཡེ་ཤེས་བདེ་བྱེད་ཆེ།། གང་བ་དེའི་ཕྱིར།
289a3 ནི་རིག་མ་ཡི།། པདྨོ་ལ་ནི་གནས་པར་མཛོད།། ཀྱེ་མའོ་རེག་པ་ཤིན་ཏུ་ཟབ།། ཤེས་རབ་ཕ་རོལ་ཕྱིན་མ་འདི།། སེམས་ཅན་ཀུན་ལ་ཤེས་རབ་ཀྱིས།། མུན་པ་ཐིབས་པོ་སེལ་བར་མཛད།། ཀྱེ་མའོ
289a4 ཐམས་ཅད་ངོ་མཚར་ཆེ།། མཁའ་འགྲོ་དྲ་བར་གར་མཛད་ཅིང་།། རྣམ་པར་སྣང་མཛད་མྱང་བ་དང་།། མཉེ་བ་དང་ནི་འཕྲོག་པ་མཆོག། ཀྱེ་མའོ་ཤིན་ཏུ་རབ་ཏུ་དགྱེས།། སྐལ་ལྡན་སྐལ་སྤྱོད་པ་དང་ནི།། །
289a5 སྣ་ཚོགས་སྐལ་བས་བདེ་བྱེད་ཆེ།། སྣ་ཚོགས་རྡོ་རྗེ་ཤིན་ཏུ་མཛེས།། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོས་ཏིང་ངེ་འཛིན་ལས་བཞེངས་ཏེ་འཁོར་གྱི་དཀྱིལ
289a6 འཁོར་ལ་རྣམ་པར་བལྟས་ཏེ་འདི་སྐད་ཅེས་བཀའ་སྩལ་ཏོ།། ཨཱ་ལི་དང་ནི་ཀཱ་ལི་དང་།། དེ་བྱུང་ཟླ་བ་རྣམ་པ་གཉིས།། མེ་ལོང་ལྟ་བུའི་ཡེ་ཤེས་ཏེ།། གཅིག་ཏུ་གྱུར་པ་མཉམ་ཉིད་དོ།། ས་བོན་མཚན
289a7 མར་གྱུར་པ་ནི།། སོ་སོར་རྟོག་པར་ངས་བཤད་དོ།། དེ་བྱུང་སངས་རྒྱས་ཐམས་ཅད་ཀྱིས།། འགྲོ་དོན་བྱེད་པ་བྱ་ནན་ཏན།། གཟུགས་བརྙན་རྫོགས་པ་ཆོས་དབྱིངས་ཏེ།། ལྷ་ཡི་དབང་པོ་སངས་རྒྱས་བསྐྱོད།། དེ་ལ
iiif viewer powered by OpenSeadragon
