| e-texts navigator |
| Wylie |
288a1 གར་བྱེད་པར།། ཇི་སྲིད་སྐྱོ་བར་མི་འགྱུར་བར།། སྒོམ་པའི་སེམས་ལ་ཞེན་པར་བྱ།། དེ་ལྷའི་དམ་ཚིག་ལྡན་གྱུར་ཅིང་།། རྣམ་པར་མི་རྟོག་སྔགས་པ་ཡིས།། དུས་ཀྱི་ངེས་པས་ཡོངས
288a2 སྤངས་ནས།། བླ་མེད་བྱང་ཆུབ་ཐོབ་པར་འགྱུར།། དཔལ་རྡོ་རྗེ་སྙིང་པོ་རྒྱུན་གྱི་རྒྱུད་ལས། ཤེས་བྱེད་ཀུན་ཏུ་སྤྱོད་པའི་ལེའུ་སྐྱེ་བཅུ་དྲུག་པའོ།། དེ་ནས་མཁའ་འགྲོ་དེ་དག
288a3 ཐམས་ཅད་གཅིག་ཏུ་འདུས་ཏེ།། བཅོམ་ལྡན་འདས་རྡོ་རྗེ་འཛིན་པ་ལ་ཚིགས་སུ་བཅད་པས་བསྟོད་པ། སངས་རྒྱས་ཀུན་གྱི་རང་བཞན་ལས།། བྱུང་བའི་ལྷ་སྟེ་ཁྱོད་མཆོག་པས།། སེམས་དཔའ་ཀུན
288a4 གྱི་ཕྱག་རྒྱ་ཆེ།། མཁའ་འགྲོ་ཆེན་པོ་ཕྱག་འཚལ་ལོ།། གཏི་མུག་ཐམས་ཅད་འོད་གསལ་བ།། མཁའ་འགྲོ་སངས་རྒྱས་ཆེན་པོ་སྟེ།། གཟུགས་སྣང་ཆོས་ནི་རྣམ་དག་པ།། བདེ་གཤེགས་མཁའ་འགྲོ།
288a5 ཁྱོད་ཕྱག་འཚལ།། ང་རྒྱལ་ཐམས་ཅད་འོད་གསལ་བ།། མཁའ་འགྲོ་རེ་འདོད་སྐོང་བ་སྟེ།། སིམ་སོགས་ཆོས་ནི་རྣམ་དག་པ།། རིན་ཆེན་མཁའ་འགྲོ་ཁྱོད་ཕྱག་འཚལ།། འདོད་ཆགས་ཐམས་ཅད
288a6 འོད་གསལ་བ།། སྐྱོན་གྱིས་གོས་མེད་མཁའ་འགྲོ་ཆེ།། མཚན་མར་འཛིན་པ་རྣམ་དག་པ།། པདྨོ་མཁའ་འགྲོ་ཁྱོད་ཕྱག་འཚལ།། ཕྲག་དོག་ཆོས་ནི་འོད་གསལ་བ།། མཁའ་འགྲོ་སྣ་ཚོགས་ལས་བྱེད་པ།།
288a7 མངོན་པར་འདུ་བྱེད་ཆོས་ཀུན་དག། སྣ་ཚོགས་མཁའ་འགྲོ་ཕྱག་འཚལ་བསྟོད།། མཚན་མཆོག་འདི་ཡིས་ཁྱོད་བསྟོད་པས།། གང་ཟག་འདི་ཡང་བསོད་ནམས་ཚོགས།། ཡེ་ཤེས་ཚོགས་ཆེན་ཡོངས
iiif viewer powered by OpenSeadragon
