| e-texts navigator |
| Wylie |
287a1 བདེ་གཤེགས་ཀུན་གྱིས་ཁྱོད་སྤྱོད་གནས།། སྐྱོང་པ་ལ་ནི་སེམས་སྦྱོར་ན།། ཁྱོད་ནི་ཡང་དག་དམ་པར་འགྱུར།། འདི་ནི་བདེ་གཤེགས་བདེ་མཛད་པ།། ཁྱོད་ཉིད་འདི་ལས་རབ་བྱུང་ངོ་།།
287a2 དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། དམིགས་པ་དང་བཅས་པའི་ཤེས་རབ་ཀྱི་མཚན་ཉིད་བརྟག་པའི་ལེའུ་སྟེ་བཅོ་ལྔ་པའོ།། ། དེ་ནས་ཡང་ནི་བཤད་བྱ་བ།། དངོས་གྲུབ་ཆོ་ག
287a3 ཤེས་མེད་ན།། སྒྲུབ་པོ་དངོས་གྲུབ་འབྱུང་མི་འགྱུར།། དེ་ཕྱིར་འདིར་ནི་བརྟུལ་ཞུགས་བསྟན།། སྦྱོར་བའི་རྩོལ་བ་ཐམས་ཅད་ནི།། དེ་ཉིད་རིག་པས་སྤང་བར་བྱ།། རྡོ་རྗེ་སེམས་དང་དེས་འདུག་པ།། སྤངས
287a4 ནས་གཞན་དུ་མི་བྱའོ།། དག་པ་དེ་ཉིད་ལ་གནས་པས།། སྦྱོར་བ་རྣམས་ཀྱང་མི་བྱ་སྟེ།། བདག་མེད་གནས་པའི་སྦྱོར་བ་ཡིས།། ཇི་སྲིད་པར་དུ་སོ་སོར་བརྟག། དངོས་མེད་གོ་འཕང་ལ་གནས་དང་།། ཐབས
287a5 བཟང་དག་དང་ལྡན་པ་ཡིས།། རྒྱུད་ལས་གང་ཅི་འབྱུང་བ་རྣམས།། མ་བརྟགས་པས་ནི་འབྱུང་བར་འགྱུར།། སྒོམ་པའི་སྦྱོར་བའི་སྟོབས་ཀྱིས་ནི།། དངོས་གྲུབ་མཚན་ཉིད་གང་ཡང་རུང་།། དེ་ཀུན་སྐད་ཅིག
287a6 ཙམ་ལ་ནི།། རང་ཉིད་གནས་པར་གྱུར་པ་ཡིན།། དེ་བས་དགེ་སློང་དངོས་གནས་དང་།། དེ་བཞིན་རྟོག་དགའ་རྒན་པོ་དང་།། རང་གི་བུ་དང་རྒྱལ་པོ་ལ།། དེ་ཉིད་ཡང་དག་བཤད་མི་བྱ།། ཇི་ལྟར་མར་མ་བུམ
287a7 ནང་གནས།། ཕ་རོལ་ཏུ་ནི་འོད་མི་གསལ།། བུམ་པ་དེ་ཉིད་ཆགས་པར་གྱུར།། དེ་འོག་མར་མེ་གསལ་བར་འགྱུར།། དེ་བཞིན་རང་ལུས་བུམ་པ་ཉིད།། དེ་ཉིད་མར་མེ་ཉིད་ལྟ་བུ།། བླ་མའི་ཁ་ཡིས་ལེགས་བཅག
iiif viewer powered by OpenSeadragon
