| e-texts navigator |
| Wylie |
286b1 འདི་རྣམས་ཡང་དག་ཕྲད་གྱུར་ན།། སྒྲུབ་པ་པོ་ལ་ཚེ་འདི་རུ།། དངོས་གྲུབ་ཡང་དག་སྟེར་བ་སྟེ།། དེ་བས་འདི་རྣམས་འབད་པས་བཙལ།། ཡང་དག་རྙེད་ནས་གང་རུང་དུ།། བ་ལང་བཟའ་ནི་མངའ་ཡི་ནང་།།
286b2 བཏུང་བས་ཤེལ་ཁམས་རྣམ་པར་འཕེལ།། དེ་ནི་ཐབས་ཀྱིས་སྟེན་པ་ཡིས།། ཡང་དག་ཏུ་ནི་རང་བཞིན་བརྟག། རང་བཞིན་ནམ་མཁའ་ལྟ་བུ་སྟེ།། དངོས་པོ་ཐམས་ཅད་ཟད་པ་སྟེ།། རྣམ་པར་རྟོག་པ་ཐམས
286b3 ཅད་དང་།། བྲལ་བའི་དགའ་བ་ཡང་དག་ཟབ།། བསམ་མེད་ཟད་མེད་ཕྲ་མོ་སྟེ།། དམ་པ་ཞི་བ་རྣམ་དག་པ།། འཆི་མེད་རྡོ་རྗེ་བདུད་རྩི་བརྗོད།། གང་གི་དབུས་སུ་འདབ་བརྒྱད་པ།། སྙིང་པོ་ལྔ་ཡིས་ཡང
286b4 དག་བརྒྱན།། དེ་དབུས་དེ་གནས་ཆ་ནས་ལྔ།། ཚ་གཉིས་པ་ནི་བརྒྱད་མཐར་དབྱུང་།། སུམ་ཅུ་བཅུ་པ་ལྔ་ཡི་ནི།། ཆ་གཉིས་ལྔ་པ་དྲུག་པ་ཡི།། ཐིག་ལེ་རུ་ནི་གཞུག་པ་སྟེ།། སྐྱེས་བུ་གང་གིས་དེ་ལ་ནི།།
286b5 མིག་གི་འོད་ཟེར་གྱིས་བལྟ་བ།། དེ་ལ་ཇི་བཞིན་གནས་པ་ཡི།། ཡེ་ཤེས་སྐྱེ་བ་ཐེ་ཙོམ་མེད།། ནམ་ཞིག་འགོག་པའི་སེམས་གྱུར་ན།། སངས་རྒྱས་ཀུན་གྱི་མཆོག་འཛིན་པ།། དཔལ་ལྡན་མཁའ་འགྲོ་འདྲ
286b6 པར་འགྱུར།། དེ་རིང་ཕན་ཆད་བུ་ཁྱོད་ནི།། དཀྱིལ་འཁོར་ཡང་དག་འདྲི་བ་དང་།། སྒྲུབ་པ་པོ་ནི་རྒྱུད་པ་ཡི།། སློབ་དཔོན་ཆེན་པོ་ཉིད་དུ་འགྱུར།། འདི་ནི་སངས་རྒྱས་ཀུན་གྱིས་ཀྱང་།། དབང་བསྐུར་བར་ནི།
286b7 རབ་བསྔགས་ཏེ།། ཐམས་ཅད་སྔགས་ནི་སྒྲུབ་འགྱུར་ཏེ།། ལས་མཆོག་ཁྱད་པར་ཅན་ཡང་འགྲུབ།། བུ་མོ་འདི་ནི་ཁྱོད་དང་འཐུན།། སེམས་ཅན་ཁྱོད་ཀྱིས་འདོད་པ་གྱིས།། ཡིད་དུ་འོང་བའི་རིག་མ་འདི།
iiif viewer powered by OpenSeadragon
