| e-texts navigator |
| Wylie |
285a1 བྱུང་ཕྱིར།། རྒྱུད་རྣམས་ཀུན་ལས་གསུངས་པ་ཡི།། སློབ་དཔོན་བཀུར་བའི་ཆོ་ག་བཤད།། སློབ་དཔོན་མེད་པར་གྱུར་ན་ནི།། དངོས་གྲུབ་ཐོབ་པར་མི་འགྱུར་བས།། སློབ་དཔོན་གྲང་།
285a2 དང་མཚན་ཉིད་ནི།། ཡིད་གཅིག་བསྡུས་ལ་མཉན་པར་གྱིས།། དམ་སྡོམ་གྱི་ནི་སྣོད་གཙང་ལ།། སློབ་དཔོན་མཚན་ཉིད་ཡོངས་རྫོགས་པར།། བྱེད་ཅིང་དང་པོ་ལས་འཇུག་པར།། བྱེད་པ་རྒྱུ་ཡི་སློབ་དཔོན་ནོ།།
285a3 རི་བོང་འཛིན་པ་སྐུལ་བྱེད་ཅིང་།། དེ་ཡིས་སྒྲུབ་པོ་ཞིང་དག་ཅིང་།། ཡེ་ཤེས་སྒྱུ་མའི་སྣོད་རུང་བྱེད།། རྐྱེན་གྱི་སློབ་དཔོན་ཆེན་པོའོ།། ལྷན་ཅིག་ཉན་པར་གང་གྱུར་པ།། དེ་ལས་དགའ་བ་ཡང་དག་ཐོབ
285a4 ཐོས་པས་ཡང་དག་རབ་མཐར་ཕྱིན།། ལྷན་ཅིག་བྱེད་པའི་སློབ་དཔོན་ནོ།། མི་འགྱུར་བྱམས་ལྡན་ཤེས་རབ་ཅན།། སྔགས་རྒྱུད་སྦྱོར་ཤེས་དཀྱིལ་འཁོར་མཁས།། དེ་ཉིད་བཅུ་ཤེས་ཐེག་ཆེན་དགའ།
285a5 གསང་བཟུངས་ཐུབ་སློབ་དཔོན་ཡིན།། མིག་བཟང་ཡ་སོ་བཅུ་དྲུག་པ།། ཁུ་འཁྲིག་རྟོག་པ་ཡང་དག་སྤངས།། བླ་མ་དགའ་བ་དང་མོས་ཅན།། ཤིན་ཏུ་རྒྱན་གྱིས་རབ་བརྒྱན་པ།། དང་ལྡན་སྦྱོར་བ་ལ་གོམས་པ།།
285a6 གཟུགས་བཟང་འདོད་ཆགས་ཀྱིས་མྱོས་བྱེད།། ཤིན་ཏུ་དུལ་བ་ཁྱད་པར་ཅན།། བསྐུལ་བའི་གནས་སུ་ཡང་དག་བླངས།། དགེ་དང་སྒོམ་པ་ལ་དགའ་བ།། རྟག་ཏུ་བླ་མ་ལ་གུས་པའི།། སློབ་མས་བླ་མ་འདི་ལྟར།
285a7 བལྟ།། བླ་མ་སངས་རྒྱས་ཀུན་དང་མཉམ།། དེ་ཉིད་རྟག་ཏུ་རྡོ་རྗེ་འཆང་།། དེ་བཞིན་གཤེགས་པ་རིན་ཆེན་འབྱུང་།། དེ་ནི་ཡེ་ཤེས་རྒྱ་མཚོ་ཆེ།། ཡིད་བཞིན་ནོར་བུ་རིན་ཆེན་སྦྱིན།། དེ་ཡི་ཡོན་ཏན་ཐམས་ཅད་གཟུང་།།
iiif viewer powered by OpenSeadragon
