| e-texts navigator |
| Wylie |
284a1 སྡོམ་པ་དབྱེ་བའི་ལེའུ་སྟེ་བཅུ་གཉིས་པའོ།། དེ་ནས་རོ་ལངས་ཆེན་མོ་ཡི།། སྒྲུབ་པ་ཡང་དག་བཤད་པར་བྱ།། སྒྲུབ་པོས་ལེགས་པར་ཤེས་གྱུར་ན།
284a2 དངོས་གྲུབ་ཐོབ་པར་འགྱུར་བའོ།། ནག་པོ་ཡི་ནི་ཚེས་བརྒྱད་དང་།། ཡང་ན་བཅུ་བཞི་གང་ཡང་རུང་།། ཤིང་གཅིག་དུར་ཁྲོད་མ་མོ་འམ།། ཡང་ན་མི་མེད་གྲོང་བར་དུ།། སྔོན་དུ་སྒྲུབ་པའི་བདག་ཉིད་ཅན།། ལས་ཀུན
284a3 འགྲུབ་པར་བྱེད་པ་སྒྲུབ།། མདའ་མཁན་མ་དང་སྨེ་ཤ་ཅན།། གདོལ་པ་མོ་དང་གར་མཁན་སོགས།། མདུན་གྱི་སོ་ལ་ལྷག་ཡོད་པ།། བྱད་དང་མདངས་ལྡན་རྨ་མེད་མ།། ལོ་ནི་སུམ་ཅུ་རྩ་གཉིས་བསྔགས།། ཡང་ན
284a4 ཉི་ཤུ་རྩ་ལྔའོ།། ཡང་ན་ཆུ་དང་དང་པོར་སྐྱེས།། སྦྱངས་ནས་ཤི་བ་མ་སྦགས་པ།། ཡང་དག་བླངས་ཏེ་ཕ་བོང་སྟང་།། གཞན་ཡང་བུ་མོ་སྒྲ་བཟུང་སྟེ།། ལྷ་བཞད་དང་ནི་དབང་པོ་ལག། དཀར་པོ་དང་ནི་རི་སྒྲ་དང་།
284a5 གྲུ་གནོན་ཆུ་ཡིས་བཀྲུ་བར་བྱས།། དེ་ནས་ཙན་དན་དཀར་པོ་ཡིས།། བུ་མོ་ལུས་བྱུགས་རྒྱན་དང་གོས།། ཡང་དག་བརྒྱན་ཏེ་མདུན་བཞག་ནས།། དཀྱིལ་འཁོར་འཇིགས་པ་བྲི་བྱ་སྟེ།། རྩ་སོགས་གསང་སྔགས་རབ
284a6 ཏུ་བཟླ།། འབྱུང་པོའི་གཏོར་མ་ཡང་བྱིན་ཏེ།། ཤཱ་ན་ནག་པོ་མདངས་དང་ལྡན།། མྱོས་བྱེད་བསྲེགས་པ་རོ་ཡི་ཁར།། མཚན་གཅིག་ཐོག་ཐག་སྦྱིན་སྲེག་བྱ།། དེ་ནས་ཐོ་རངས་དུས་སུ་ཡང་།། ཁྲག་ཆེན་ཕྱོགས
284a7 བཞིར་གཏོར་ནས་ནི།། མར་ཁུ་ཆེན་པོ་རོ་ལ་སྐུ།། དེ་ནས་རོ་དེ་ལངས་འགྱུར་ཏེ།། ཁྲོ་དང་ལྡན་པའི་ཨག་ཙར་གྱིས།། ས་གསུམ་མོ་ཡི་སྦས་འགེངས་བྱེད།། དེ་ཚེ་སྒྲུབ་པོ་སྐྲག་མི་བྱ།། མཱ་མ་ཀཱི་ལི་སྦྱོར་བ་སོགས།
iiif viewer powered by OpenSeadragon
