| e-texts navigator |
| Wylie |
282b1 འགྲོ་བའི་དོན་བྱེད་བྱང་ཆུབ་སེམས།། བདེ་གཤེགས་ཐོབ་ཕྱི་རབ་ཏུ་གཟུང་།། རྡོ་རྗེ་མི་བསྐྱོད་རིགས་ཆེན་པོ།། རྡོ་རྗེ་དང་ནི་དྲིལ་བུ་དང་།། སློབ་དཔོན་ཡང་ནི་བཟུང་བྱས་པས།། དེ་ཡི་ཡོན་ཏན་ཐོད་པར་བྱེད།། རིན་ཆེན།
282b2 ཏོག་གི་རིགས་མཐོན་པོ།། ཉིན་མོ་མཚན་མོ་ལན་གསུམ་དུ།། ཟང་ཟིང་མི་འཇིགས་ཆོས་དང་དབང་།། བྱིན་པས་དེ་ཡི་ཡོན་ཏན་འཐོབ།། པདྨོ་སྣང་བའི་རིགས་དག་ལ།། ཕྱི་དང་ནང་དང་གསང་བ་ཡི།། དམ་ཚིག་རབ
282b3 ཏུ་གཟུང་བ་ཡིས།། བླ་མང་བྱང་ཆུབ་ཐོབ་པར་བྱེད།། རྔ་སྨེ་ལས་ཀྱི་རིགས་མང་ངོ་པོ།། དམ་ཚིག་དང་ནི་སྡོམ་པར་ལྡན།། བསྙེན་བཀུར་མཆོད་པ་སེམས་ཅན་དོན།། བྱས་པ་དེ་ཡིས་ཡོན་ཏན་ཐོབ།། སྲོག་མི་གཅོད་ཅིང
282b4 གཡེམ་མི་བྱ།། མ་བྱིན་མི་རླང་བརྫུན་མི་སྨྲ།། ཕྲ་མ་འཁྱལ་པའི་ཚིག་རྩུབ་མོས།། སྨྲ་བར་མི་བྱ་བ་རྣབ་སེམས་དང་།། གནོད་སེམས་ལོག་པར་ལྟ་བ་རྣམས།། ནམ་ཡང་བྱ་བ་མ་ཡིན་ནོ།། དཀོན་མཆོག་གསུམ་ནི
282b5 ཡོང་མི་སྤང་།། ལྷ་དང་བླ་མ་དེ་བཞིན་ནོ།། ཉེས་པ་ཀུན་གྱི་རྩ་བའི་ཕྱིར།། ཆང་ཡང་རྣམ་པར་སྤང་བར་བྱ།། ཕྱག་རྒྱ་བཞོན་པ་མཚོན་ཆ་སོགས།། མཚན་མ་འམ་ནི་ལྷ་ཡི་གྲིབ།། འགོམ་དང་བཟའ་བར་མི་བྱ་བ།། དེ་ལ
282b6 སོགས་པ་མཐའ་ཡས་པའི།། སྡོམ་པ་གང་དེ་གསུངས་པ་རྣམས།། འདི་རུ་དང་པོའི་ལས་ཅན་ལ།། དེ་ཡིས་ཡང་དག་འཇུག་པར་བྱེད།། ཐུན་མོང་མ་ཡིན་པས་ཕམ་པ།། བཅུ་བཞིར་གྲགས་པ་གང་འདི་ནི།། སྔགས
282b7 པས་དོན་ཀུན་འགྲུབ་བྱེད་པས།། སྤང་ཞིང་དོར་བར་མི་བྱའོ།། སློབ་དཔོན་སྙིང་ནས་སྨོད་པ་དང་།། བདེ་གཤེགས་བཀའ་ལས་འདའ་བྱེད་དང་།། ཞེ་སྡང་གིས་ནི་མཆེད་སུན་འབྱིན།། བྱམས་སེམས་མེད་པར་སེམས
iiif viewer powered by OpenSeadragon
