| e-texts navigator |
| Wylie |
282a1 མཁའ་འགྲོ་མ་ཡི་རྒྱུད་ཀུན་ཡང་།། འདི་ཡི་རིམ་པས་ཤེས་པར་བྱ།། ཕྱི་ནང་དབྱེ་བ་ཤེས་པ་ཡིས།། རྒྱུད་ཀྱི་དབྱེ་བ་ཤེས་པར་བྱ།། ནང་དུ་བསྟན་པ་བླ་མའི་ལས།། ཡང་དག་བླངས་ཏེ་བསྒྲུབ།
282a2 པར་བྱ།། ཇི་བཞིན་གནས་པ་ལ་དགོངས་ཏེ།། བདེ་བར་གཤེགས་པས་རྒྱུད་ཀུན་བསྟན།། རྡོ་རྗེ་སྙིང་པོ་རྒྱན་གྱི་རྒྱུད།། མཁའ་འགྲོ་མ་དང་མཁའ་འགྲོ་བ།། རྒྱུད་རྣམས་ཀུན་གྱི་ཕྱི་མོ་སྟེ།། གཞན་དུ་མ་བསྒྲགས་དོན་གང
282a3 ཞིག། འདི་རུ་ཡང་དག་བསྟན་པ་སྟེ།། རྣལ་འབྱོར་གང་ཞིག་ལེན་པ་འམ།། སྒོམ་པར་བྱེད་དམ་འཆད་པ་འམ།། ཀློག་པར་བྱེད་པ་རྣལ་འབྱོར་ཆེ།། དེ་ཡང་ང་དང་འདྲ་བར་འགྱུར།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ཐམས་ཅད་ཀྱི།
282a4 དབྱེ་བའི་ལེའུ་སྟེ་བཅུ་གཅིག་པའོ།། ། དེ་ནས་གཞན་ཡང་བཤད་བྱ་བ།། སྣ་ཚོགས་མདོ་དང་རྒྱུད་རྣམས་ཀྱི།། སྡོམ་པ་ཡང་དག་ཤེས་འགྱུར་ན།། མཁའ་འགྲོ་ཆེན་པོར་འགྱུར་བར་བཤད།
282a5 གང་གིས་ཉན་ཐོས་རབ་འབྱིན་པ།། སྤོང་བ་ལྷུང་བའི་བྱེ་བྲག་བཤད།། བསླབ་པ་དང་ནི་རྫས་གྲགས་ཀྱིས།། འདི་རུ་ཤེས་ཀྱང་ཡོངས་རྫོགས་བྱེད།། ཚུལ་ཁྲིམས་ཀྱི་ནི་བསླབ་པ་གསུམ།། དགེ་བའི་ཆོས་ནི་སྡུད་པ་དང་།
282a6 སྡོམ་པ་ཉི་ཤུ་ལ་སོགས་དང་།། སེམས་ཅན་དོན་བྱེད་པའི་ཚུལ་ཁྲིམས།། བྱང་ཆུབ་སེམས་དཔའ་རབ་འབྱིན་པ།། ལུས་ངག་ཡིད་གསུམ་རབ་བྱུང་བའི།། སྡོམ་པ་དེས་ཀྱང་མཁའ་འགྲོ་ཡི།། རྒྱུད་རྣམས་ཡང་དག་སྦྱོར་བར
282a7 བྱེད་ཟླ་བ་སྙམ་དང་གཙང་སྦྲ་བསྡམ།། གྲོང་དང་གནག་ལྷས་ཐང་ལ་ཡང་།། ངག་ལུས་ཡིད་ཀྱིས་སེམས་ཅན་ལ།། གནོད་པ་དག་ནི་ལོང་མི་བྱེད།། དེ་བཞིན་གཤེགས་པའི་སྡོམ་པ་མཆོག། བླ་ན་མེད་པའི་བྱང་ཆུབ་སེམས།
iiif viewer powered by OpenSeadragon
