| e-texts navigator |
| Wylie |
270a1 དབྱིངས་ལ་གནས།། བྱང་ཆུབ་སེམས་ཚོགས་དེར་བཅས་ལ།། རྣལ་འབྱོར་ཡིད་ཀྱིས་ཀུན་བསམས་ནས།། རྒྱས་པར་རྣམ་པར་བརྟག་པར་བྱ།། ཡི་གེ་བྲུཾ་གྱིས་ལྷ་ཡི་གནས།
270a2 རྡོ་རྗེ་རིན་ཆེན་གྱིས་ནི་བརྒྱན།། སྒོ་ཁྱུད་རྩུ་བབས་ཀ་བ་དག། དར་གྱི་འཕྲེང་བས་རྣམ་པར་ཀླུབས།། གྲུ་བཞི་པ་ལ་སྒོ་བཞི་པ།། དྲིལ་བུའི་དྲ་བ་དག་གིས་བརྒྱན།། རྟག་པར་དོ་ཤལ་མེ་ལོང་དང་།།
270a3 མེ་ཏོག་འཕྲེང་བས་རྒྱན་རྣམས་བྲེས།། དེ་ཡི་དབུས་སུ་སེང་གེའི་གདན།། སེང་གེ་བརྒྱད་ཀྱིས་རྣམ་པར་བརྒྱན།། སྨོན་ལམ་དབང་གིས་དེ་དག་ཀུན།། བྱང་ཆུབ་སེམས་དཔའ་མཐུ་བོ་ཆེ།། ཤར་ཕྱོག།
270a4 པབ་གླང་ཤིན་ཏུ་རྒྱས།། ལྷོ་ཕྱོགས་རྟ་ཡི་གདན་བཟང་སྟེ།། ནུབ་ཕྱོགས་སུ་ནི་རྨ་བྱ་བ་ཤད།། དེ་བཞིན་བྱང་ཕྱོགས་ནམ་མཁའ་ལྡིང་།། མི་བསྐྱོད་ཁྲོ་བོ་བསམ་པ་ནི།། མཐིང་ཁ་དཀ་སོ་དམར་པོའི་ཞལ།།
270a5 རྡོ་རྗེ་ཕྱག་རྒྱ་ཐུགས་ཀ་ན།། མཐིང་ཁ་ཁ་དོག་གསལ་ལ་བཟང་།། གཡས་ནི་རིན་ཆེན་འཁོར་ལོ་སྟེ།། རལ་གྲི་པདྨ་གཡོན་པ་ན།། འཇིག་རྟེན་ཁམས་ནི་ཀུན་འཁྲུག་པའོ།། བརྟུལ་ཞུགས་ཅན་གྱིས
270a6 ཞལ་གསུམ་བསམ།། དང་པོ་ཡི་ནི་སྟོང་པ་ཉིད།། གཉིས་པ་དེ་བཞིན་མཚན་མ་མེད།། གསུམ་པ་སྨོན་པ་མེད་པ་ཡི།། ཞལ་དུ་མཁས་པས་རིག་པར་བྱ།། ཕྱག་དྲུག་རྟག་ཏུ་འབར་བར་སྒོམ།། མཚོན་ཆ
270a7 སྣ་ཚོགས་རྣམས་དང་ལྡན།། པདྨ་ལ་ནི་མཉམ་བཞག་ནས།། ཡེ་ཤེས་ཕྱག་རྒྱ་སྙིང་ཁ་ནས།། དབུས་ཀྱི་གནས་སུ་བསམ་པ་ནི།། རྡོ་རྗེ་སྐྱིལ་མོ་ཀྲུང་དུ་གནས།། ཤར་གྱི་གནས་སུ་བསམ་པ་ནི།། སྔགས་པ།
iiif viewer powered by OpenSeadragon
