| e-texts navigator |
| Wylie |
268b1 མོ་དང་།། སྒྲུབ་པ་དེ་ལ་སྦྱིན་པར་བྱ།། དེ་ཡིས་བླངས་ནས་བརྩོན་པའི་ཚོགས།། ཇི་སྐད་གསུངས་བཞིན་རབ་བྱས་ནས།། རང་གི་ལྷ་དང་སངས་རྒྱས་དང་།། བྱང་ཆུབ་སེམས་དཔའི་ཚོགས་རྣམས
268b2 ཀུན།། མཉེས་བྱེད་ཆོ་གས་སེམས་བརྟགས་ཏེ།། མངོན་སུམ་བདེ་བ་རང་བྱུང་བ།། གཞན་གྱིས་གང་དུ་བསྒྲག་མི་ནུས།། གོ་བའི་ཡུལ་དེ་བདེ་བ་ཆེ།། བླ་མ་དེ་ལ་དབུལ་བར་བྱ།། བླ་མ་གཞན་ལ་དེ
268b3 བཞིན་དུ།། ཅི་དགའ་བ་ཡི་ཡོན་ཡང་དབུལ།། སློབ་དཔོན་ཅུང་ཟད་ཅི་འདོད་པ།། ཡིད་ལ་བསམས་པ་དབུལ་བར་བྱ།། དམ་ཚིག་འདའ་བས་འཇིགས་པའི་ཕྱིར།། བསྒྲིམས་ཏེ་དེ་བཞིན་དབུལ
268b4 བར་བྱ།། སློབ་དཔོན་གྱི་ནི་ཡུལ་གྱི་མཆོག། རིགས་ཀྱི་ཁྱད་པར་གྱིས་ནི་ལྔ།། བུམ་པའི་དབང་སོགས་དབྱེ་བ་ཡིས།། ཡང་ན་གསུམ་དུ་འགྱུར་བ་ཡིན།། རང་གི་མ་དང་སེང་གེའི་གདན།། ཡོན་གྱི
268b5 མཆོག་སྟེ་སངས་རྒྱས་རིགས།། གསེར་དང་གླང་པོ་རིན་ཆེན་དང་།། སྲིང་མོ་བླ་མ་ལ་དབུལ་བ།། རྡོ་རྗེ་སེམས་དཔའི་རིགས་ཡིན་ཏེ།། ཡོན་ཏེ་ཡོན་གྱི་མཆོག་ཡིན་ནོ།། ཤིང་རྟརྟ་ནི་ཤིན་ཏུ་བརྒྱན།
268b6 རང་གི་ཆུང་མ་དབུལ་བྱ་སྟེ།། རིན་ཆེན་སྣ་ཚོགས་རྣམས་དག་པ།། ཡོན་དེ་རིན་པོ་ཆེ་ཡི་རིགས།། མུ་ཏིག་འཕྲེང་བ་ཤིན་ཏུ་མཛེས།། བུ་མོ་རིན་ཆེན་དྲ་བ་ཡིས།། བརྒྱན་ཏེ་བླ་མ་ལ་དབུལ་བ།། ཡོན
268b7 དེ་པདྨའི་རིགས་ཡིན་ནོ།། རྒྱལ་པོ་དང་ནི་དབང་ཕྱུག་དང་།། ཆུང་མ་འཕྲུལ་གྱི་བཞོན་པ་སོགས།། གླང་པོ་རྟ་ནི་ཤིན་ཏུ་བརྒྱན།། དེ་བཞིན་གཤེགས་པ་ཀུན་གྱི་རྗེ།། ནན་ཏན་བླ་མ་དབུལ་བྱ་བ།
iiif viewer powered by OpenSeadragon
