| e-texts navigator |
| Wylie |
267b1 ཁྱོད་སྐྱེས་སོ།། སྔགས་དང་ཕྱག་རྒྱས་ཁྱོད་བྱིན་བརླབ།། དངོས་གྲུབ་ཐམས་ཅད་ཕུན་སུམ་ཚོགས།། དམ་ཚིག་མཆོག་ཏུ་འགྲུབ་པར་བྱེད།། རྡོ་རྗེ་པདྨོ་རོལ་པའི་མཆོག། སྔགས་ཀྱི་བདག་ཉིད
267b2 ཤེས་པར་བྱ།། པ་ཤྱ་བཛྲ། གང་དགྲ་མེ་ཏོག་གསང་བ་སྟེ།། དེ་དེ་དེ་ཡི་ལྷ་ཡང་དག། དེ་ཡི་སྦྱོར་བ་རབ་སྦྱིན་ཏེ།། དེ་ཡི་ནན་ཏན་དུ་སྒྲུབ་བོ།། དུང་ཆེན་བདུད་རྩི་ལྔ་བླུད་དེ།། དམྱལ་བའི་ཆུ་འདིས་ཁྱོད
267b3 ལ་ནི། དམ་ཚིག་འདས་ན་སྲེག་པར་བྱེད།། དམ་ཚིག་བསྲུངས་ན་དངོས་གྲུབ་པའི།། འཐུང་ཞིག་རྡོ་རྗེ་བདུད་རྩིའི་ཆུ།། བཛྲ་ཨུ་ད་ཀ། དེ་ནས་སངས་རྒྱས་ཐམས་ཅད་ཀྱི།། དམ་ཚིག་དང་ནི་སྡོམ
267b4 པ་རྣམས།། བླ་མས་སློབ་མ་སྡིག་བྲལ་ལ།། ཇི་ལྟ་བ་བཞིན་བསྒྲག་པར་བྱ།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། རི་མོའི་དཀྱིལ་འཁོར་གྱི་ལེའུ་སྟེ་གསུམ་པའོ།།
267b5 དེ་ནས་གཞན་ཡང་བཤད་བྱ་བ།། དབང་བསྐུར་བ་ཡི་ཆོ་གའི་མཆོག། གང་གིས་ལེགས་པར་བྱེད་འགྱུར་ན།། དེ་ནི་སངས་རྒྱས་ཉིད་དུ་འགྲུབ།། སློབ་དཔོན་མཚན་ཉིད་ཐམས་ཅད་ལྡན།། ཡང་དག
267b6 ཤེས་ཤིང་རྒྱུད་ཤེས་པ།། དེ་ཉིད་བཅུ་ལ་སོགས་པ་ཡི།། གསང་རིག་ཆོ་ག་ཤེས་པ་པོས།། བསྒྲིམས་ཏེ་སློབ་མ་ཡང་དག་གཟུང་།། བླ་མ་ལ་གུས་དད་པའོ།། དགེ་སྐོམ་ལྷ་རྣམས་མཆོད་བྱེད་པ།།
267b7 གཏོར་ཕོད་ཡོན་ཏན་ལྡན་པའོ།། དེ་ནས་སློབ་མ་དེ་ཡིས་ཀྱང་།། ལངས་ཏེ་ཞབས་ལ་མགོས་གཏུགས་ནས།། རྒྱལ་པོ་དབང་ཕྱུག་བདེ་དམ་པ།། གོས་དང་རྒྱན་གྱིས་ལེགས་པར་བགོས།། སྟེང་དུ
iiif viewer powered by OpenSeadragon
