| e-texts navigator |
| Wylie |
267a1 དག་དཀྲིས།། ལྡུམ་བུ་ཡིས་ནི་ཁ་མཛེས་པ།། རིན་ཆེན་སྨན་འབྲུ་སྣ་ལྔ་དང་།། སྤོས་ཆུ་ཡིས་ནི་རབ་བཀང་ནས།། བུམ་པ་མངོན་པར་བསྔགས་པར་བྱ།། རྣམ་རྒྱལ་བུམ་པ་དཀྱིལ
267a2 འཁོར་གྱི།། བདག་པོ་ལྷ་མོ་རྣམས་ཀྱི་བཞི།། ལྷ་རྣམས་ཀྱི་ནི་བུམ་པ་བཞི།། སྒོ་ཡི་ཕྱོགས་ཀྱི་བུམ་པ་ནི།། ལས་ཀུན་བྱེད་པས་བཟླས་བྱས་ཏེ།། ཀུ་ཤའི་ཆུན་པོས་སེམས་ཅན་ཆེ།། འཇུག་པ་ཀུན་ལ
267a3 གཏོར་བར་བྱ།། ཡོན་དང་གཏོར་མ་མཆོད་ཕུལ་ནས།། དེ་དག་ཕྱི་གྲར་རབ་བཀོད་དེ།། གཡས་སུ་རྒྱལ་བ་སྤྱན་དྲང་ངོ་།། དེ་ནས་ལྷ་རྣམས་རབ་གནས་པའི།། བསམ་པའི་སྦྱོར་བས་བསམ་བྱ་སྟེ།། ཕྱག་རྒྱ
267a4 དྲལ་བའི་སྦྱོར་བ་ནི།། ལུས་ཅན་བྱིན་གྱིས་མི་རློབ་པས།། བུ་མོ་གཟུགས་བཟང་ལང་ཚོས་བརྒྱན།། དབང་ཐོབ་ལུས་རྒྱས་ཐོབ་པ་མོ།། གཡོན་མ་རྒྱན་གྱིས་རབ་བརྒྱན་ཏེ།། དེ་ཡིས་འཁོར་ལོ་སྤྲུལ་པར་བྱ།།
267a5 དེ་ལ་མར་མེ་བརྒྱ་སོགས་པའི།། མཆོད་པ་ཕུལ་ནས་བསྟོད་བྱ་སྟེ།། བཤང་གཅི་ཁུ་ང་ཁྲག་རྣམས་ནི།། དུང་ཆེན་པོ་རུ་བཞག་བྱ་སྟེ།། ལྷ་རྣམས་ལ་ནི་དབུལ་བར་བྱ།། དེ་ནས་མཁའ་འགྲོ་གྲོང་མཆོག་ཏུ།།
267a6 སློབ་མ་རྣམས་ནི་གཞུག་བྱ་སྟེ།། རྡོ་རྗེ་ཡེ་ཤེས་རབ་ཐོབ་པའི།། དེ་བཞིན་གཤེགས་པ་ཐམས་ཅད་ཀྱི།། ཕོ་བྲང་དཀྱིལ་འཁོར་དམ་པ་འདིར།། བདག་གིས་སློབ་མ་གཞུག་པར་བྱ།། དེ་ནས་སློབ་མ་དེ་ཡིས་ཀྱང་།།
267a7 མེ་ཏོག་སྔགས་འདིས་གཏོར་བའོ།། པྲ་ཏཱིཙྪ་བཛྲ་ཧོཿཞེས་བྱ།། དེ་ནས་ཚིག་འདིས་གདོང་གཡོགས་དགྲོལ།། དེ་རིང་དང་པའི་ཤུགས་ཀྱིས་ནི།། དཀྱིལ་འཁོར་དེ་འདིར་བལྟ་བར་བྱ།། སངས་རྒྱས་རིགས་སུ།
iiif viewer powered by OpenSeadragon
