| e-texts navigator |
| Wylie |
266b1 སྟེ་གཉིས་པའོ།། ། དེ་ནས་མཁའ་འགྲོ་གྲོང་ཁྱེར་མཆོག། དཀྱིལ་འཁོར་འཇིགས་པ་བྲི་བར་བྱ།། ལས་ཀྱི་ཆོ་ག་ཤེས་པ་ཡིས།། ཅི་རིགས་པར་ནི་ལས་རྣམས་བྱ།
266b2 ཉི་ཤུ་རྩ་ལྔའི་སྲད་བུ་ནི།། སེམས་མེད་ལས་བྱུང་བྱས་ནས་སུ།། བྱིན་རླབས་མི་བསྐྱོད་རྟག་པ་རུ།། བྱས་ཏེ་ཐིག་ནི་གདབ་པའོ།། གྲུ་བཞི་པ་ལ་སྒོ་བཞི་པ།། ཏཱ་ར་ཎ་བཞིས་བརྒྱན་པ་སྟེ།
266b3 དར་དང་མེ་ཏོག་འཕྲེང་བས་ཀླུབས།། སྲད་བུ་བཞི་དང་རབ་ལྡན་པ།། ཟུར་གྱི་ཆ་ནི་ཐམས་ཅད་དང་།། ཟླ་བ་རིན་ཆེན་རྡོ་རྗེ་དགོད།། ལས་ཀྱི་བྱེ་བྲག་ཤེས་པ་ཡིས།། བློ་དང་ལྡན་པས་ཕྱག་རྒྱ
266b4 དགོད།། ཨིནྡྲ་ནཱི་ལ་ལྟ་བུ་ཡི།། འཇིགས་བྱེད་རྡོ་རྗེ་དབུས་སུ་བྲི།། ཤར་དུ་ལྟེ་བརྒྱད་འཁོར་ལོ་དཀར།། ལྷོ་རུ་རིན་ཆེན་ཟུར་དགུ་ལྡང་།། ནུབ་དུ་འདབ་བརྒྱད་པདྨ་དམར།། བྱང་དུ་རལ་གྲི
266b5 སྔོན་པོ་དྲི།། མ་ཡི་མཚམས་སུ་འཁོར་ལོ་སྔོན།། བདེན་བྲལ་ཨུཏྤལ་དམར་པོ་དང་།། རླུང་གི་མཚམས་སུ་པདྨ་དམར།། དབང་ལྡན་ཨུཏྤལ་སེར་པོ་སྟེ།། རྡོ་རྗེ་ཐོབ་ཤར་གྱི་སྒོ།། ལྷོ་ཡི་སྒོར
266b6 རྡོ་རྗེ་དབྱུག། པདྨའི་སྡོང་བུ་ནུབ་ཀྱི་སྒོ།། བྱང་སྒོ་རྡོ་རྗེ་ཁ་བྱེ་བ།། སྦྱོར་བ་ལྡན་པས་དགོད་པར་བྱ།། རྣམ་པ་ཉི་ཤུ་རྩ་ལྔར་ནི།། ཚོན་རྩི་དག་ཀྱང་བསྒོམ་བྱ་སྟེ།། རྡུལ་ཚོན་ལྔ་ལ་སོགས་པ་རྣམས།།
266b7 རིམ་པ་བཞིན་དུ་གདབ་པར་བྱ།། དེ་ནས་བུམ་པ་གཟུང་བྱ་བ།། རྩ་བ་ནག་ནོག་མེད་པ་ཡི།། ཞབས་བརྟན་མགྲིན་རིང་མཆུ་འཕྱང་བ།། ལྷ་ཡི་གྲངས་ཙམ་སྟ་གོན་གནས།། མགུལ་པར་རས་ཀྱིས་ཡང
iiif viewer powered by OpenSeadragon
