| e-texts navigator |
| Wylie |
265a1 ལ་འཚེ་བར་བྱེད་པ་རྣམས་ཉེ་བར་ཞི་བར་ཡང་མི་མཛད་དོ།། རྣམ་པར་དུལ་བར་ཡང་མི་མཛད་དོ།། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ། བརྗིད་པ་དང་།
265a2 བཅས་པར་གར་མཛད་ཅིང་ཞལ་འཛུམ་པ་དང་། འདོར་བ་དང་། བསྐུམ་པ་དང་། འགྱེད་པ་དང་། སྤྱན་མཛེས་པས་སྨིན་རིངས་བསྐྱོད་ཅིང་བསྒྱུར་བ་དང་། པདྨའི་ཕྱག་གི་སོར་མོ་གཡས་གཡོན།
265a3 གར་གྱི་འཕྲེང་བའི་ཚུལ་གྱིས་སའི་ངོས་ལ་ཞབས་འཕེན་ཅིང་བསྒྱུར་བ་དང་། འདོར་ཞིང་བསྐུལ་བ་དང་། འཇོག་ཅིང་འདེགས་པའི་རྣམ་པར་གནོན་པའི་ནམ་མཁའི་དབྱིངས་འདི་ཐམས་ཅད
265a4 ཀུན་ཏུ་ཁྱབ་པར་མཛད་དེ། རླུང་གི་ཁམས་ཆེན་པོར་ཀུན་ཏུ་ཁྱབ་པར་མཛད། དེ་ལ་ཁྱབ་ནས་མེའི་ཁམས་ཆེན་པོར་ཀུན་ཏུ་ཁྱབ་པར་མཛད་དེ། དེ་ནས་ཆུའི་ཁམས་ཆེན་པོར་ཀུན་ཏུ་ཁྱབ་པར
265a5 མཛད། དེ་ནས་སའི་ཁམས་ཆེན་པོར་ཀུན་ཏུ་ཁྱབ་པར་མཛད་དོ།། དེའང་ཀུན་ཏུ་ཁྱབ་ནས་བཅོམ་ལྡན་འདས་བྱང་ཆུབ་སེམས་ལ་ཀུན་ཏུ་ཁྱབ་པར་མཛད་དོ།། རི་དང་སེམས་ཅན་ཐམས་ཅད
265a6 དང་། སྣ་ཚོགས་ཕྲ་བ་སྦོམ་པོ་དང་།། བུད་མེད་གཞོན་ནུ་རྒན་པ་དང་།། སྐྱེས་པ་དང་ནི་མ་ནིང་དང་།། ལྷ་དང་ཀླུ་དང་གནོད་སྦྱིན་དང་།། གདོན་དང་སྐར་མ་གཤིན་རྗེ་དང་།། ཆུ་བདག་བརྒྱ་བྱིན་ལ་སོག
265a7 དང་། འབྱུང་དང་འབྱུང་འགྱུར་ཐམས་ཅད་ལ།། བཅོམ་ལྡན་འདས་ནི་བདེ་ཆེན་པོ།། ཀུན་ཏུ་བཟང་པོ་རྡོ་རྗེ་འཛིན།། ཀུན་ཏུ་ཁྱབ་པར་བྱས་ཏེ་གནས།། དཔལ་རྡོ་རྗེ་སྙིང་པོའི་རྒྱན་གྱི་རྒྱུད་ལས།
iiif viewer powered by OpenSeadragon
