| e-texts navigator |
| Wylie |
261b1 སློབ་མ་བརྟག་པ་དང་། བདེན་པ་རྣམ་པ་གཉིས་ཀྱི་དགོངས་པ་རྣམས་སོ།། གླེང་བསླང་བ་རྣམ་པ་ལྔ་ནི། འདི་ལྟ་སྟེ། མིང་དང་། གང་གི་དོན་དུ་བྱས་པ་དང་། བྱེད་པ་པོ་དང་། ཚད་དང་། དགོས་པ
261b2 རྣམས་སོ།། མཐའ་དྲུག་ཏུ་བཤད་པ་ནི། འདི་ལྟ་སྟེ། དགོངས་པས་བཤད་པ་དང་། དགོངས་པ་མ་ཡིན་པས་བཤད་པ་དང་། དྲང་བའི་དོན་དང་། ངེས་པའི་དོན་དང་། སྒྲ་ཇི་བཞིན་པ་དང་།
261b3 སྒྲ་ཇི་བཞིན་པ་མ་ཡིན་པ་རྣམས་སོ།། རིགས་པ་རྣམ་པ་བཞི་ནི་རྒྱུད་དང་། གླེང་གཞི་དང་། ངེས་ཚིག་དང་། རྒྱུ་རྣམས་སོ།། བཤད་པ་རྣམ་པ་བཞི་ནི་ཡི་གེའི་དོན་དང་། སྤྱིའི་དོན་དང་། སྦས་པ་དང་།
261b4 མཐར་ཐུག་པ་རྣམས་སོ།། དབྱེ་བ་རྣམ་པ་གཉིས་ནི། འདི་ལྟ་སྟེ། ཚོགས་ལ་བཤད་པ་དང་། སློབ་མ་ལ་བཤད་པའོ།། གང་ཟག་རྣམ་པ་ལྔའི་སློབ་མ་བརྟག་པ་ནི། འདི་ལྟ་སྟེ། རིན་པོ་ཆེ་དང་།
261b5 ཙན་དན་དང་། པདྨ་དང་། པདྨ་དཀར་པོ་དང་། ཨུཏྤལ་རྣམས་སོ།། བདེན་པ་རྣམ་པ་གཉིས་ཀྱི་དགོངས་པ་ནི། འདི་ལྟ་སྟེ། ཀུན་རྫོབ་ཀྱི་བདེན་པ་དང་། དོན་དམ་པའི་བདེན་པའོ།། རིགས་ཀྱི་བུ
261b6 ཀུན་རྫོབ་ནི་མི་བརྟན་པ་དང་གཡོ་བའོ།། དེའི་བདེན་པ་ནི་ཆུ་ཟླ་ལྟ་བུའོ།། དོན་དམ་པའི་བདེན་པ་ནི་སྟོང་པ་ཆེན་པོ་བཅཝ་བརྒྱད་དོ།། དེའི་མཐའ་ནི་གནས་སོ།། བྱང་ཆུབ་སེམས་དཔའ་རྣམས་ཀྱིས
261b7 གསོལ་པ། དོན་དམ་པའི་བདེན་པ་ལ་རབ་ཏུ་གནས་པའི་རྣལ་འབྱོར་ཆེན་པོ་པས་ལས་ཀྱི་རྒྱལ་པོ་མཆོག་གི་ཏིང་ངེ་འཛིན་ལ་བརྟེན་ནས་སེམས་ཅན་གྱི་དོན་ཇི་ལྟར་རབ་ཏུ་སྤྱོད་པར་བགྱིད། བཅོམ
iiif viewer powered by OpenSeadragon
