| e-texts navigator |
| Wylie |
260a1 འདོད་ཆགས་བྲལ་བ་མ་ཡིན་པ་དང་། བར་མཉེ་བར་མི་དམིགས་པ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དགོངས་པས་བཤད་པའོ།། ལུས་དང་། ངག་དང་། ཡིད་མེད།
260a2 པ་དང་། བདག་མེད་པ་དང་། ཐམས་ཅད་སྟོང་པ་དང་། དག་པ་དང་། འོད་གསལ་བ་ཞེས་བྱ་བ་ལ་སོགས་པ་རྡོ་རྗེའི་ཚིག་ནི་དགོངས་པ་མ་ཡིན་པས་བཤད་པའོ།། ག་པུར་དང་། ཁྲག་ཆེན་པོ
260a3 དང་ཙན་དན་དམར་པོ་དང་། རྡོ་རྗེ་དང་། པདྨ་དང་། ཕྱག་རྒྱ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དྲང་བའི་དོན་ཏེ། ག་པུར་ནི་ཁུ་བ་དང་། ཁྲག་ཆེན་པོའི་ཟླ་མཚན་གྱི་ཁྲག
260a4 དང་ཙན་དན་དམར་པོའི་ཁུ་བ་དང་བསྲེས་པ་ནི་ཙན་དམར་པོའོ།། རྡོ་རྗེ་ནི་མཚན་མ་སྟེ་ཐབས་སོ།། པདྨ་ནི་བྷ་ག་སྟེ་ཤེས་རབ་དང་། ཕྱག་རྒྱ་དང་། བཙུན་མོ་ཞེས་བྱ་བ་ལ་སོགས་པ
260a5 རྡོ་རྗེའི་ཚིག་རྣམས་ནི་ངེས་པའི་དོན་ཏོ།། གཉིས་ཀ་དང་། སྤྱོད་པ་དང་། བྱ་བའི་རྒྱུད་རྣམས་སུ་དོན་གསལ་བར་གསུངས་པ་འདི་ལྟ་སྟེ། དཀྱིལ་འཁོར་དང་། མཆོད་སྦྱིན་དང་། གཏོར
260a6 མ་དང་། སྨན་དང་། ཞི་བ་ལ་སོགས་པའི་ལས་ཀྱི་ཚོགས་རྣམས་དང་། དེ་བཞིན་དུ་འཇིག་རྟེན་པའི་དངོས་གྲུབ་ཆེན་པོ་བརྒྱད་གསུངས་པ་རྣམས་ནི་སྔ་ཇི་བཞིན་པ་སྟེ། དེ་ནི་ཡི་གེའི་དོན་གྱི
260a7 བཤད་པའོ།། ཀོ་ནཱ་ཁྱ། ཀོ་ནཱ་བ། ཀོ་ཊཱ། ཀོ་ཊ་བ་ཤྩ། ཀོ་ཊ་རཱ་ཀ་ཀོ་ལ་ཁྱ། ཀོ་ལ་ཝ། ཀོ་ལ་ཀོ་ལ་བཤྩ། ཀོ་ལསྟ་ཐ། འདིས་དབང་པོ་དང་ཡུལ་གསུངས་ཏེ། དེ་ལྟ་བུ་ལ་སོགས་པ་རྡོ་རྗེ
iiif viewer powered by OpenSeadragon
