| e-texts navigator |
| Wylie |
259b1 བའི་མཐའ་ཇི་ལྟར་འགྱུར་བ་ལགས་བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་མེས་ཤིང་བསྲེགས་ཏེ་ཐལ་བར་བྱེད་པ་དེ་བཞིན་དུ་འོད་གསལ་བར་ཤེས་རབ་ཀྱི་ཡེ་ཤེས་ཡུན་རིང་།
259b2 བོས་རྣམ་པར་སྦྱོང་བར་བྱེད་དོ།། ཇི་ལྟར་ཏ་ལའི་ལོ་མ་ཐལ་བར་བྱེད་པ་དེ་བཞིན་དུ་ཐབས་ཀྱི་ཡེ་ཤེས་རྣམ་པར་སྦྱོང་བར་བྱེད་དོ།། ཇི་ལྟར་རས་བལ་གྱི་འདབ་མ་བསྲེགས་པ་དེ་བཞིན་དུ་སྣང་བ
259b3 ཐོབ་པའི་ཡེ་ཤེས་མཆོག་ཏུ་མྱུར་བས་རྣམ་པར་སྦྱོང་བར་བྱེད་དོ།། དེ་བས་ན་རིམ་པ་འདིས་ཤིང་ཏ་ལའི་ལོ་མ་དང་། རས་བལ་གྱི་འདབ་མ་ཐལ་བར་གྱུར་པ་དེ་བཞིན་དུ་སྟོང་པ་དང་། ཤིན་ཏུ་སྟོང
259b4 པ་དང་། སྟོང་པ་ཆེན་པོ་རྣམས་མཐར་འོད་གསལ་བར་འགྱུར་རོ།། འདི་ནི་མཐར་ཐུག་པའི་བཤད་པ་གསུངས་པའོ།། བྱམས་པས་གསོལ་པ། བཅོམ་ལྡན་འདས་རྣལ་འབྱོར་གྱི་རྒྱུད་དུ་དེ
259b5 བཞིན་གཤེགས་པ་ཐམས་ཅད་ཀྱིས་མཐའ་དྲུག་གིས་བཤད་པ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། དགོངས་པས་བཤད་པ་དང་། དགོངས་པ་མ་ཡིན་པས་བཤད
259b6 པ་དང་། དྲང་བའི་དོན་དང་། ངེས་པའི་དོན་དང་། སྒྲ་ཇི་བཞིན་པ་དང་། སྒྲ་ཇི་བཞིན་པ་མ་ཡིན་པ་རྣམས་སོ།། བྱམས་པས་གསོལ་པ། བཅོམ་ལྡན་འདས་ཐུགས་བརྩེ་བ་ཉེ་བར་བཞག་སྟེ་ཚིག
259b7 རེ་རེའི་བཤད་པ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གང་མཐར་ཐུག་པ་བཤད་པ་དེ་ཉིད་དགོངས་པས་བཤད་པ་སྟེ། འདི་ལྟ་སྟེ། འདོད་ཆགས་མ་ཡིན་པ་དང་།
iiif viewer powered by OpenSeadragon
