| e-texts navigator |
| Wylie |
259a1 དོན་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཉན་ཐོས་ལ་སོགས་པ་འདོད་ཆགས་དང་བྲལ་བའི་ཆོས་སྤྱོད་པ་རྣམ་པར་རྟོག་པའི་བག་ཆགས་ལས་མ
259a2 གྲོལ་བ་རྣམས། རྣལ་འབྱོར་ཆེན་པོའི་རྒྱུད་དག་ཏུ་བཙུན་མོའི་བྷ་ག་ལ་བཞུགས་ཞེས་བྱ་བ་ལ་སོགས་པ་འདོད་ཆགས་ཀྱི་ཆོས་གསལ་བར་བྱེད་པཾ། ངོ་མཚར་ཅན་གྱི་རྡོ་རྗེའི་ཚིག་ཐོས་ནས་སྤོང
259a3 པར་བྱེད་པ་དེ་རྣམས་དང་མི་འགལ་བའི་སྒོ་ནས་བཤད་པ་དེ་ནི་སྤྱིའི་དོན་དུ་བཤད་པ་གསུངས་པའོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གསོལ་པ། བཅོམ་ལྡན་འདས།
259a4 འདོད་ཆགས་ལ་སྤྱོད་པའི་ཆོས་ཀྱི་ཚུལ་དུ་མཐར་ཐུག་པ་བཤད་པ་ཇི་ལྟར་ལགས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་རྣམས་ལེགས་སོ་ལེགས་སོ།།
259a5 བྱང་ཆུབ་སེམས་དཔའ་ཆེན་པོ་སྙིང་རྗེ་མཆོག་དང་ལྡན་པ་རྣམས་ཉོན་ཅིག། མཐའ་ནི་མུ་སྟེ། འོད་གསལ་བ་ཡང་དག་པའི་ཚུལ་ཞེས་བྱ་བར་མཐར་ཐུག་པའོ།། བྱང་ཆུབ་སེམས་དཔའ་སེམས
259a6 དཔའ་ཆེན་པོས་གསོལ་པ། བཅོམ་ལྡན་འདས་ཐབས་གང་གིས་མཐར་ཐུག་པ་ཐོབ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཕུང་པོ་དང་། ཁམས་དང་། སྐྱེ་མཆེད་ལ
259a7 སོགས་པའི་མཐའ་སྟོང་པ་གསུམ་མོ།། སྟོང་པ་གསུམ་གྱི་མཐའ་འོད་གསལ་བའོ།། བྱང་ཆུབ་སེམས་དཔའ་ཆེན་པོ་རྣམས་ཀྱིས་གསོལ་པ། བཅོམ་ལྡན་འདས་སྟོང་པ་གསུམ་འོད་གསལ
iiif viewer powered by OpenSeadragon
