| e-texts navigator |
| Wylie |
257b1 དང་རྣམ་པར་ཤེས་པ་ཞེས་བྱ་ལ། དེ་ནི་ཆོས་ཐམས་ཅད་ཀྱི་རྩ་བ་སྟེ། ཀུན་ནས་ཉོན་མོངས་པ་དང་། རྣམ་པར་བྱང་བའི་བདག་ཉིད་དེ་ལས་རྟོག་པ་གཉིས་སུ་གྱུར་ཏེ་བདག་དང་གཞན་དག་ཏུའོ།།
257b2 རྣམ་པར་ཤེས་པ་དེའི་བཞེན་པ་རླུང་ངོ་།། རླུང་ལས་མེའོ།། མེ་ལས་ཆུའོ།། ཆུ་ལས་སའོ།། དེ་རྣམས་ལས་ཕུང་པོ་ལྔ་དང་། སྐྱེ་མཆེད་དྲུག་དང་། ཡུལ་ལྔ་སྟེ། དེ་དག་ཐམས་ཅད་ནི་རྣམ་པར
257b3 ཤེས་པ་རླུང་དང་འདྲེས་པའོ།། དེ་ནས་རྣམ་པར་ཤེས་པ་གསུམ་གྱི་རང་བཞིན་གྱི་སྣང་བ་རབ་ཏུ་གསལ་བར་སྤྱོད་པ་རྗེས་སུ་མྱོང་བར་བྱེད་དེ། སྣང་བའི་རྒྱུས་རང་བཞིན་རྣམས་ཡང་དག་པར
257b4 འབྱུང་ངོ་།། དེ་ལ་འོད་གསལ་བ། གནས་པ་མེད་པ། འགག་པ་མེད་པ། སྐྱེ་བ་མེད་པ། དོན་དམ་པའི་བདེན་པོ། ཡང་དག་པའི་མཐའ་སྟེ། དེ་ལས་བྱུང་བའི་མུན་པའི་སྣང་བ་ནི་མ་རིག་པའོ།།
257b5 དེའི་རང་བཞིན་ལྟ་བ་དང་། འཁྲུལ་པ་དང་། རྣམ་པར་གཡེང་བ་དང་། བརྗེད་ངས་པ་དང་། ལེ་ལོ་དང་། མི་སྨྲ་བ་དང་། མི་གསལ་བའོ།། མ་རིག་པ་ལས་སེམས་ལས་བྱུང་བ་སྟེ། ཉི་མའི་སྣང་བ
257b6 ལྟ་བུ་དང་། ཤིན་ཏུ་གསལ་བའི་སྨིག་རྒྱུ་བ་ལྟ་བུའོ།། དེའི་རང་བཞིན་འདོད་ཆགས་དང་། དགའ་བ་དང་། མཆོག་ཏུ་དགའ་བ་དང་། དྲག་པོ་ལ་སོགས་པ་དང་། ཀུན་རྫོབ་ཏུ་མངོན་སུམ་དུ་སྐྱེས
257b7 པའི་གཟུགས་དང་། ལྷའི་ཚོགས་དང་། མཚན་མ་དང་། རྡོ་རྗེའི་བརྡའོ།། སེམས་ལས་བྱུང་བ་ལས་སེམས་ཏེ། ཟླ་བའི་སྣང་བ་དང་། ཤིན་ཏུ་གསལ་བའི་ཆུའི་ཟླ་བ་ལྟ་བུའོ།། རང་བཞིན་ནི
iiif viewer powered by OpenSeadragon
