| e-texts navigator |
| Wylie |
256a1 བ་ཤད་པ།། ཉིན་དང་ཉིན་དུ་བྱ་བ་སྟེ།། རྟག་པར་རྒྱུན་དུ་ཟས་ཟོས་ན།། ཚེ་འདི་ཁོ་ནར་འགྲུབ་པར་འགྱུར།། རྒས་པ་མེད་ཅིང་ནད་ཀྱང་མེད།། འཆི་བ་མེད་ཅིང་འབྲས
256a2 རྣམས་མེད།། དེ་ནི་གློ་བུར་འཆི་བ་མེད།། འཚེ་བ་ཐམས་ཅད་ཟད་འགྱུར་ཞིང་།། རྨི་ལམ་ངན་ཡང་ཞི་བར་འགྱུར།། བཟང་པོ་སྐལ་བར་གསོན་པ་སྟེ།། སེམས་ཅན་ཐམས་ཅད་དགའ་བར་སྒྲ།
256a3 མཐོང་བ་ཙམ་གྱིས་སྐུལ་བྱེད་དོ།། སྦྱིན་སྲེག་ལས་རྣམས་བཤད་བྱས་ནས།། ལྷ་མོ་མཆོད་པ་བསྟན་པར་བྱ།། དྲི་དང་འཕྲེང་སོགས་གོས་རྣམས་དང་།། སྤོས་མེད་ཟས་དང་ལྷ་བཤོས
256a4 ཀྱིས། དབང་པོ་གཉིས་ནི་རབ་འབྱོར་ནས།། བདག་ལ་མཆོད་པ་རྣམས་ནི་བྱ།། བདག་ནི་ཐམས་ཅད་སངས་རྒྱས་ཉིད།། སངས་རྒྱས་ཀུན་གྱི་གནས་ཡིན་ཏེ།། དེ་བས་ནན་ཏན་ཐམས་ཅད
256a5 ཀྱིས། རྣལ་འབྱོར་པས་ནི་རྟག་ཏུ་མཆོད།། གང་ཞིག་འགའ་ཡང་བྱ་བའི་ལས།། རྣལ་འབྱོར་པ་ཡིས་མཆོད་པར་སྒོམ།། ཟས་དང་བཏུང་བ་དེ་བཞིན་གོས།། དེ་བཞིན་དྲི་དང་འཕྲེང་ཁོ་ནས།།
256a6 རིག་མ་བཞི་ཡིས་རྣམ་བརྒྱན་པའི།། བདག་ཉིད་ལྷ་ཉིད་བསམ་པར་བྱ།། དེ་ལྟར་བཤད་ནས་རྡོ་རྗེ་དེ།། ཅང་མི་གསུང་བའི་དངོས་པོར་བཞུགས།། དེ་ནས་ལྷ་མོ་བཞི་རྣམས་ཀྱིས།། ཕྱག་གིས
256a7 ཐལ་མོ་སྦྱར་གྱུར་ཏེ།། དགྱེས་པས་རབ་ཏུ་ཞལ་བཞད་ནས།། རབ་ཏུ་དང་བའི་སེམས་ཀྱིས་ནི།། རྣམ་པར་མི་རྟོག་པ་ཐོབ་སྟེ།། ཅང་མི་གསུང་བར་བཞུགས་གྱུར་ཏོ།། ལྷ་མོ་བཞིས་ཡོངས་སུ
iiif viewer powered by OpenSeadragon
