| e-texts navigator |
| Wylie |
255a1 བྱས་ནས།། ཉིན་དང་མཚན་དུ་བཟའ་བར་ཡང་།། དེ་ནི་བསྐུལ་པའི་མཐའ་བར་ཡང་།། དངོས་གྲུབ་རྒྱས་པར་འགྲོ་བ་སྟེ།། གཟི་བརྗིད་མདངས་དང་སྟོབས་བརྩོན་འགྲུས། ལྔ།
255a2 པ་ལ་ནི་སྨོན་ལམ་ཡང་།། མངོན་པར་ཤེས་པ་ལྔ་ཐོབ་པ།། རིལ་བུ་ཆེན་པོ་ཟོས་ཕྱིར་རོ།། རྫས་ཀྱི་སྒྲུབ་པ་རྣམས་རྫོགས་ནས།། རིག་པའི་སྔགས་རྣམས་བདག་ལ་སྩོལ།། ཡི་གེ་ཨེ་དང་བཾ་ཡིག་དང་།
255a3 ལཾ་ཡིག་དབུས་སུ་ཡང་དག་གནས།། དང་པོའི་མདོག་ནི་དམར་པོ་སྟེ།། གཉིས་པ་ཡི་ནི་མདོག་དཀར་བ།། གསུམ་པ་ཁ་དོག་སེར་བ་རྣམས།། བྷ་གའི་དབུས་སུ་བསྒོམ་པར་བྱ།། འཁོར་ལོ་ལྟར་ནི་བསྐོར།
255a4 བ་ནི། གཉིན་བྱེད་དང་ནི་མཚན་ཕྱེད་ལ།། རིག་པ་དེ་ནི་རབ་འབྱོར་ན།། དེ་ནི་སྐད་ཅིག་ཁོ་ནར་འགྲུབ།། ལྷ་མོ་ལྷ་མིན་བུ་མོ་དང་།། མི་ཡི་བུ་མོ་རྣམ་པ་བཞི།། ས་ཡི་དཀྱིལ་འཁོར་ཀུན་ཏུ་ནི།། སྔགས་ཀྱིས
255a5 བཀུག་ནས་སྤྱད་པར་བྱ།། སྒོམ་པ་དེ་བཞིན་རིག་པའི་སྔགས།། བདག་གིས་བཤད་པ་ཟིན་བྱས་ཏེ།། དཀྱིལ་འཁོར་རྣམས་ནི་བཤད་པར་བྱ།། དགའ་མ་སེམས་ཀྱིས་རྩེ་གཅིག་ཉོན།། དཀྱིལ་འཁོར
255a6 ལུས་ཤེས་གསུངས་པ་སྟེ།། དཀྱིལ་འཁོར་བྷ་གར་བསྟན་པ་ཡིན།། དཀྱིལ་འཁོར་བྱང་ཆུབ་སེམས་དང་ནི།། དཀྱིལ་འཁོར་གསུམ་དུ་བརྟགས་པ་ཡིན།། བརྟགས་པ་རྣམས་ཀྱང་འདུས་པ་སྟེ།། གང
255a7 དུ་གཙོ་བོ་སྐྱེད་པར་བྱེད།། ཕུང་པོ་རྣམས་ནི་སངས་རྒྱས་གསུངས།། འབྱུང་བ་རིག་མར་བརྟགས་པའོ།། ཆགས་པ་ལྕགས་ཀྱུ་ཁོ་ན་སྟེ།། ཞགས་པ་པདྨར་ཆུང་བྱེད་པ།། ཁ་ཕྲད་པ་ནི་སྒྲོག་ཡིན་པར།།
iiif viewer powered by OpenSeadragon
